دەنگۆكانی مێركاتۆ؛ راشفۆرد بڕیار لەسەر داهاتووی دەدات و شوێنگرەوەی گواردیۆلا دیاریكرا

یاریگا –

ماركوس راشفۆرد بڕیاری كۆتایی لەسەر داهاتووی دەدات، شوێنگرەوەی پێپ گواردیۆلا دیاریكراوە و كەس ستێرلینگی ناوێت.

ماركوس راشفۆرد دوای كۆتاییهاتنی ماوەی خواستنەكەی نایەوێت بگەڕێتەوە مانچێستەر یونایتد و لە پێناو مانەوە لە بارسێلۆنا ئامادەیە مووچەكەی كەم بكاتەوە – میرەر.

ئەگەر پێپ گواردیۆلا لە كۆتایی وەرز مانچێستەر سیتی جێبهێڵێت ئەوا چابی ئاڵۆنسۆ لە لیستی راهێنەرە شوێنگرەوەكانیدا دەبێت – تێلیگراف.

دایۆت ئۆپامیكانۆ بەرگریكاری فەڕەنسی بڕیارە گرێبەستەكەی لەگەڵ بایرن میونشن نوێبكاتەوە – فابریزیۆ رۆمانۆ.

تایرێل مالاسیا لە بەرپرسانی مانچێستەر یونایتد توڕەیە دوای ئەوەی لە مێركاتۆی زستانەدا رێگریان لە رۆیشتنی كرد – میرەر.

رەحیم ستێرلینگ لە چەند رۆژی رابردوودا پێشكەشی یونیەن بەرلین كرا، بەڵام بەرپرسانی یانەكە رەتیانكردەوە گرێبەستی لەگەڵ واژۆ بكەن – فلۆریان پلێتێنبێرگ.