یاریگا –
رۆدری هێرناندێز هۆکاری بەرامبەربوونیان دژی تۆتنهام رووندەکاتەوە و خەتاکە دەخاتە ئەستۆی ناوبژیوان و ژووری ڤار.
شەوی رابردوو لە گەڕی 24ـی یارییەکانی پرێمەرلیگ، لە یارییەکی دراماتیکیدا یانەی مانچێستەر سیتی بووە میوانی یانەی تۆتنهام، یارییەکە بە یەکسانبوون و بە ئەنجامی 2-2 کۆتاییهات.
مانچێستەر سیتی لە سەرەتادا بە دوو گۆڵ پێشکەوت، بەڵام دواتر سپێرس بە دوو گۆڵی سۆلانکێ ئەنجامەکەی گەڕاندنەوە خاڵی سەرەتا، لەدوای یارییەکە رۆدری قسەی بۆ تۆڕی Stan Sports کرد و رەخنەی لە بڕیارەکانی ناوبژیوان گرت.
‘It’s a CLEAR FOUL! They don’t want us to win.’ 😡
Rodri was left absolutely fuming after believing Spurs’ first goal should not have stood.
↳ Premier League. Live & On Demand with 4K on Football’s New Home, Stan Sport. Stream now.#StanSportAU #PremierLeague pic.twitter.com/cazNAllyx2
— Stan Sport Football (@StanSportFC) February 2, 2026
دەزانم زۆرمان بردووەتەوە و خەڵک نایەوێت ئێمە بیبەینەوە، ناوبژیوان دەبێت بێلایەن بێت، ئەمە دادپەروەرانە نییە، ئەم وردەکارییە بچووکانە جیاوازی دروستدەکەن، ڤار لەبەرئەوە دانراوە.
لە درێژەی لێدوانەکەیدا براوەکەی پێشووی باڵۆندۆر ئاماژەی بەوەدا گۆڵی یەکەمی تۆتنهام فاوڵێکی تەواو بوو و پێویست بوو رەتبکرێتەوە.
شتەکە زۆر روونە، لەنێو یاریگا تۆ نای بینیت بەڵام کاتێک سەیری وێنەکان دەکەیت، دیارە کە فاوڵە، ئەمە دوو بۆ سێ یارییە لەسەریەک ئەمە روودەدات و جێی نائومێدییە.
