فەرمی: ئادیمۆلا لوکمان مەدریدییە
یانەی ئەتڵەتیکۆ مەدرید رایگەیاند ئادیمۆلا لوکمان ی ئەستێرەی ئەتەلەنتا پەیوەندی بە ریزەکانیانەوە کردووە.
لوکمان گەیشتووەتە مەدرید و سەرقاڵی ئەنجامدانی پشکنینی پزیشکییە. دواتر گرێبەستەکەی واژۆ دەکات و بەشێوەیەکی هەمیشەیی دەبێتە نوێترین جەنگاوەری دیێگۆ سیمۆنی.
بەگوێرەی فوتبۆڵ ئیتاڵیا، ئەتلەتیکۆ 35 ملیۆن یۆرۆی جێگیر دەدات بە ئەتەلەنتا، لەگەڵ 5 ملیۆنی دیکە بەپێی ئاست و ئەنجام. وابڕیارە گرێبەستی ئەو یاریزانە بۆ چوار وەرز و نیو بێت و ساڵانەش مووچەی 7 ملیۆن یۆرۆ وەردەگرێت.
لوکمان لە ساڵی 2022 ـەوە یاریزانی ئەلەنتایە و لە 2024 بە تۆمارکردنی هاتریک ناسناوی یۆرۆلیگی بۆ ئەتەلەنتا بەدەست هێنا، بەڵام لەم وەرزەدا متمانەی راهێنەری لەدەستداوە و تەنها خاوەنی دوو گۆڵە لە خولی ئیتاڵی دا.
ئەتڵەتیکۆ بە ئومێدی ئەوەیە لوکمان بتوانێت جێگەی ئەنتوان گریزمان پڕبکاتەوە کە لەم ساڵدا بەهۆی هەڵکشانی تەمەنی و دابەزینی ئاستیی بە کەمی لە پێکهاتەی سەرەکی یانەکە دەبینرێت.
Acuerdo con la Atalanta para el traspaso de Ademola Lookman.
El internacional nigeriano ya se encuentra en Madrid. El acuerdo está pendiente del reconocimiento médico y la formalización de su contrato.
➡️ https://t.co/DcYOlpArSH pic.twitter.com/d88yaXPe1C
— Atlético de Madrid (@Atleti) February 1, 2026
