بایرن میونشن چارەنووسی لیۆن گۆرێتزکا یەکلاییدەکاتەوە
یاریگا –
یانەی بایرن میونشن چارەنووسی لیۆن گۆرێتزکای دەداتە دەست خۆی.
گرێبەستی گۆرێتزکا لەگەڵ بایرن میونشن لە هاوینی 2026 کۆتایی دێت و یانە باڤارییەکە ئامادە نییە گرێبەستەکەی تازەبکاتەوە و بڕیاری کۆتاییان داوەتە دەست خودی یاریزانەکە.
لە چەند رۆژی رابردوو راپۆرتە میدیاییەکان بڵاویانکردەوە گۆرێتزکا بڕیاریداوە یانەی بایرن میونشن بەجێبهێڵێت و پەیوەندی بە ئاتلێتیکۆ مەدریدەوە دەکات.
ئەمڕۆ فلۆریان پلێتنبێرگ، رۆژنامەنووسی تۆڕی سکای سپۆرتس بڵاویکردووەتەوە، تاوەکو ئێستا هیچ رێککەوتنێک لەنێوان بایرن و ئاتلێتیکۆ نەکراوە و یاریزانەکەش بڕیاری کۆتایی لەسەر داهاتووی خۆی نەداوە.
🚨ℹ️ FC Bayern are currently on their way back from Eindhoven. Leon #Goretzka has NOT yet made a final decision, and there is NO agreement between FC Bayern and Atlético at this stage.
In the next hours, the process will continue. Everything depends on Goretzka. Bayern are… pic.twitter.com/WLFMYK1C4Y
— Florian Plettenberg (@Plettigoal) January 29, 2026
بەگوێرەی رۆژنامەنووسەکە، هەموو شتێک پەیوەستە بە بڕیاری گۆرێتزکا و بەرپرسانی بایرن ئەگەر ئۆفەرێکی گونجاویان بەدەستبگات ئامادەن دەستبەرداری یاریزانەکەیان بن.
هاوکات رۆژنامەی مارکا بڵاویکردەوە، ئاتلێتیکۆ ئۆفەرێکی بە بڕی دوو ملیۆن یۆرۆ و مووچەی 8.5 ملیۆرۆ پێشکەشکردووە.
گۆرێتزکا لە سەرجەم پاڵەوانێتییەکان 292 یاریی لەگەل بایرن کردووە، 47 گۆڵی کردووە و 48 گۆڵیشی دروستکردووە.
