فەرمی؛ یانەی هەولێر گرێبەستێکی گەورەی راگەیاند

یاریگا –

بەشێوەیەکی فەرمی یانەی هەولێر گواستنەوەی ئالڤارۆ کیرۆگا، ناوەڕاستکاری بۆلیڤی راگەیاند.

یانەی هەولێر بەفەرمی رایگەیاند، گرێبەستیان لەگەڵ ئالڤارۆ کیرۆگا، ناوەڕاستکاری بۆلیڤیا واژۆکردووە و یاریزانە 30 ساڵانییەکە ئێستا یاریزانی ئیمپڕاتۆرە.

ئالڤارۆ کیرۆگا یاریی بۆ یانەکانی پێترۆلێرۆ، سپۆرت بۆیز، گوابریا، ستڕۆنگێست و کڵەب بلوومینگی بۆلیڤی کردووە.

ئالڤارۆ کیرۆگا لە کاروانی وەرزشیدا 208 یاریی کردووە 19 گۆڵی کردووە و 4 گۆڵی دروستکردووە.

بەگوێرەی ماڵپەری ترانسفێر مارکێت بەهای ئێستای لە بۆڕسەی یاریزانان 350 هەزار یۆرۆیە.