زانیاری نوێ؛ یانەیەکی پرێمەرلیگ ئۆفەرێكی فەرمی پێشكەشی ماتێتا دەكات

یاریگا –

یانەی نۆتینگهام فۆرێستی ئینگلیزی هەوڵەكانی بۆ گواستنەوەی ژان فیلیپ ماتێتا هێرشبەری فەڕەنسی یانەی كریستاڵ پاڵاس چڕ كردووەتەوە.

ماتێتا لە گواستنەوەكانی زستانەی 2022 لە ریزەكانی ماینز بە بەهای 11 ملیۆن یۆرۆ پەیوەندی بە كریستاڵ پاڵاس كرد و تاوەكو 2027 گرێبەستی لەگەڵ ئەو یانەیە هەیە.

🚨 Nottingham Forest offer Crystal Palace £35m for Jean-Philippe Mateta. Personal terms between 28yo striker & #NFFC no issue but #CPFC will only consider sale if get ~£40m package + replacement – Strand Larsen among options being considered @TheAthleticFC https://t.co/taf3aUGCMM

— David Ornstein (@David_Ornstein) January 26, 2026

بە گوێرەی زانیارییەكانی دەیڤد ئۆرنشتاین لە تۆڕی ئاتلێتیک، نۆتینگهام فۆرێست ئۆفەرێكی بە بەهای 35 ملیۆن پاوەند بۆ گواستنەوەی ژان فیلیپ ماتێتا پێشكەشی كریستاڵ پاڵاس كردووە.

مەرجە كەسییەكانی نێوان ماتێتا و نۆتینگهام هیچ كێشەیەک درووست ناكات و هەردوولا بە گرێبەستەكە رازین.

بەڵام كریستاڵ پاڵاس بۆ دەستبەرداربوون لە هێرشبەرە 28 ساڵانەكەی داوای 40 ملیۆن پاوەند لە نۆتینگهام دەكات.

ماتێتا لەم وەرزەدا لە كۆی 34 یاریی توانیویەتی 10 گۆڵ بكات و دوو گۆڵیش درووست بكات.

لەگەڵ كریستاڵ پاڵاس 186 یاریی كردووە توانیویەتی 56 گۆڵ بكات و 13 گۆڵیش درووست بكات.