یاریگا –
مانچێستەر یونایتد لەژێر سەرپەرشتی مایکڵ کاریکی راهێنەری نوێ بەردەوامە لە تۆمارکردنی بردنەوەکان و ئەمشەویش ئارسیناڵی لەنێو یاریگای ئیمارات 2-3 شکستپێهێنا.
کاریک کە دوای روبێن ئامۆریم پۆستەکەی بەکاتیی وەرگرتووە، لە یەکەم تاقیکردنەوەی خۆیدا بە دوو گۆڵی بێ وەڵام شکستی مانچێستەر سیتی هێنا. بەوەش توانی لە ماوەی تەنها 6 رۆژدا هەردوو یانەی پێشەنگ و پلەی دووەم تووشی دۆراندن بکات.
بردنەوەیەکی ئەمشەو جارێکیتر نەخشی بڕونۆ فێرناندێشی کاپتنی پێوە دیاربوو کە توانی ئەسیستێکی جوان دوای یەک-دوویەکی نایاب لەگەڵ پاتریک دۆرگو، بۆ ئەو یاریزانە دانیمارکیە بکات و ئەویش بە شووتێکی بەهێز تۆڕی گۆڵەکەی داڤید رایا بهەژێنێت.
ئەوەی ئەسێستی ژمارە 10 بوو بۆ ناوەڕاستکارە پۆرتوگالیەکە لەم وەرزەی خولی ئینگلیزی.
بەگوێرەی زانیارییەکانی تۆڕی ئۆپتا، بڕونۆ بووە یەکەم یاریزان لەدوای وەین روونی لە وەرزەکانی (2012-2013, 2013-2014)، بتوانێ لە دوو وەرزی یەک لەدوای یەک +10 ئەسێست بکات. یاریسازە پۆرتوگالیەکە وەرزی رابردووش هەمان ژمارە تۆماربکات.
10 – Bruno Fernandes is the first @ManUtd player since Wayne Rooney (2012-13 and 2013-14) to make 10+ assists in consecutive Premier League seasons (10 in 2024-25, 10 in 2025-26). Example. pic.twitter.com/x4kD2pInqZ
— OptaJoe (@OptaJoe) January 25, 2026
