بارسێلۆنا گورزێکی کوشندەی بەردەکەوێت

یاریگا –

بارسێلۆنا لە یارییەکەی ئەمشەودا بەرامبەر سلاڤیا پراگا لە چامپیۆنزلیگ، بە ناچاری بەهۆی پێکانەوە گۆڕانکاری بە پێدری کرد.

یاریزانە ناوەڕاستەکە وا دیار بوو لە بڕبڕەکانی پشتی تووشی پێکان بووبێت و دەستبەجێ دانی ئۆلمۆ جێگەی گرتەوە و توانی گۆڵی سێیەم تۆمار بکات.

ئەستێرە ئیسپانییەکە لەم وەرزەدا یاریزانێکی کاریگەر بووە لە پێکهاتەی بلاوگرانادا و بارسێلۆنا هیوا دەخوازێت پێکانەکە زۆر جددی نەبێت، بەڵام لەدەستدانی پێدری گورزێکی راستەقینە دەبێت بۆ هانزی فلیک و تیپەکەی و بڕیارە سبەی ماوەی دوورکەوتنەوە و قورسی پێکانی ئەستێرەکە دیاریی بکرێت.