دەنگۆكانی مێركاتۆ؛ كۆناتێ خۆی یەكلاییكردووەتەوە و مانچێستەر یونایتد دەیەوێت گۆڕینەوەیەک بكات
دوا دەنگۆ و هەواڵەکانی پەیوەندیدار بە گواستنەوەی یاریزانان
یاریگا –
ئیبراهیما كۆناتێ بڕیار لەسەر داهاتووی دەدات، پاڵمێراس یاریزانێكی ئارسیناڵی دەوێت و مانچێستەر یونایتد گۆڕینەوەیەک دەكات.
پاڵمێراس هەوڵەكانی بۆ گواستنەوەی گابریێل خێسوس یاریزانی بەڕازیلی یانەی ئارسیناڵ دەستپێكردووە – دەیلی مەیڵ.
مانچێستەر یونایتد دەیەوێت مانویێل ئوگارتی بە نوح سادقی یاریزانی یانەی سەندرلاند بگۆڕێتەوە – گیڤ می سپۆرت.
لەدوای دەستنیشانكردنی مایكڵ كاریک وەكو راهێنەری مانچێستەر یونایتد چاوەڕوان دەكرێت كۆبی مەینوو لە یانەكەی بمێنێتەوە – فابریزیۆ رۆمانۆ.
فلامینگۆ بە جیدی بیر لە گواستنەوەی لوكاس پاكێتا یاریزانی بەڕازیلی یانەی وێستهامی ئینگلیزی دەكات – سكای سپۆرتس.
هەریەک لە یانەكانی وێستهام، ئاستۆن ڤیلا و مارسیلیا هەوڵی گواستنەوەی كوینتن تیمبەر یاریزانی هۆڵەندی یانەی فاینۆرد دەدەن – دەیلی مەیڵ.
ئیبراهیما كۆناتێ لەسەر نوێكردنەوەی گرێبەستەكەی لەگەڵ لیڤەرپوول نەگەیشتووەتە رێككەوتن و داوای مووچەیەكی زیاتر لە یانەكەی دەكات – تیم تۆک.
لیڤەرپوول لە ئەگەری رۆیشتنی كۆناتێ دەیەوێت بە میكی ڤان دی ڤین یاریزانی یانەی تۆتنهام جێگای بگرێتەوە – تیم تۆک.
بۆرنمس نایەوێت دەستبەرداری ماركۆس سێنسی ببێت و ئامادەیە هەموو ئۆفەرەكان بۆ گواستنەوەی رەتبكاتەوە، یانەكانی یوڤێنتوس و بارسێلۆنا ئارەزووی گواستنەوەی دەكەن – تۆک سپۆرت.
