بلیتی کام یاریی گرانترە؛ یاری کۆتایی مۆندیال یان سوپەربۆڵ؟
دوو لە گرانترین رووداوە وەرزشییەکانی جیهان
یاریگا –
جامی جیهانی 2026 و یاریی سوپەر بۆڵ، ئەم دوو رووداوە وەرزشییە گەورەیە کە ئەمساڵ لە ئەمریکا بەڕێوەدەچێت، بەڵام بلیتی کامیان گرانترینە؟
بڕیارە لە 8ی شوبات لە یاریگای لیڤیز لە سانتا کلارا یاری سوپەر بۆڵ (Super Bowl LX) بەڕێوەبچێت، بڕیارە جێگەی خۆی وەک یەکێک لە گرانترین رووداوە وەرزشییەکانی جیهان بکاتەوە، بەتایبەتی لە ساڵێکدا کە جامی جیهانی تێیدا بەڕێوەدەچێت. نرخی بلیتەکانی یاری کۆتایی NFL بەهۆی خواستی زۆرەوە پێدەچێ بگۆڕدرێن لەگەڵ دیاریکردنی تیپە کۆتاییەکان. چونکە تاوەکوو ئێستا ئەو تیپانەی کە لەم یارییەدا رکابەری دەکەن دیاری نەکراون، چونکە یانەکانی NFL لە قۆناخی پاشکۆ یاریی دەکەن.
بەڵام سەرەڕای ناوبانگەکەی وەک رووداوێکی تایبەت و بەناوبانگ، بەراوردکردن لەگەڵ یاری کۆتایی مۆندیالی 2026 ئامارەکان ئاشکرا دەکات کە تاڕادەیەک سەرنجڕاکێشن.
نرخی بلیتی یارییەکانی سوپەربۆڵ چەندە؟
هەرچەندە بەهاکانی کۆتایی رۆژ بە رۆژ دەگۆڕدرێن و بەندە بە شوێنی ناو یاریگاکە، بەڵام بلیتێکی هەرزان بۆ یارییەکانی سوپەربۆڵ بەزۆری دەتوانرێت بە نزیکەی 4000 دۆلار بەردەست بێت، هەرچەندە کورسییە VIPیەکان دەتوانن زۆر لەم ژمارانە زیاتر بن. جگە لەوەش، نرخەکان لەگەڵ نزیکبوونەوەی یارییەکە و لە سەرووی هەمووشیانەوە کاتێک تیمەکانی کۆتایی دەناسرێن، نرخەکان زیاتر بەرز دەبنەوە.
بۆ یارییەکانی سوپەر بۆڵ، گونجاوترین بلیتەکان کە ئێستا لە ماڵپەڕی فەرمی NFL بەردەستە، کە لەلایەن ئۆن لۆکاسیۆنەوە بەڕێوەدەبرێت، نزیکەی 7200 دۆلارە بۆ هەر کەسێک. ئەم بلیتانە بە شێوەیەکی گشتی چەند خزمەتگوزارییەکیان لەگەڵدایە کە بریتین لە خواردن، باڕێکی کراوە، و بەشداریی کردن لە چالاکییەکان کە ئەفسانە بەناوبانگەکان لەوێ ئامادە دەبن.
بلیتەکانی دیکە نرخیان بەم شێوەیەیە، پاکێجەکان لە 16 هەزار و 700 دۆلارەوە دەست پێدەکەن، لەکاتێکدا لە پلاتفۆرمە رێگەپێدراوەکانی وەک تیکێتماستەر، سیتگیک یان ستوب هاب، نرخەکان لە 7 هەزار دۆلارەوە دەست پێدەکات بۆ بەرزترین ستاندەکان تا 20 هەزار دۆلار لە بەشەکانی VIP.
جامی جیهانی 2026
بەڵام تادێت سەرنجی جیهان زیاتر لەسەر مۆندیالی 2026ی فیفایە، کە یاری کۆتایی لە یاریگای مێتلایف لە ئیست رەزەرفۆرد لە ویلایەتی نیوجرسی بەڕێوەدەچێت. فیفا سیستەمێکی داینامیکی نرخەکانی جێبەجێ کردووە کە رێگە بە گۆڕانکاری دەدات بەپێی قۆناخی فرۆشتن و خواست، ئەمەش تێچووی سەرنجڕاکێشترین یارییەکانی زیاد کردووە.
جگە لەوەش فیفا بلیتێکی تایبەتی دروستکردووە بە ناوی “پۆلی هاتنە ژوورەوەی هاندەران” کە بۆ هەر 104 یاری مۆندیال (بە یاری کۆتاییشەوە) بەردەست دەبێت، کە بلیتەکان لە 60 دۆلارەوە دەستپێدەکات؛ بەڵام ئەم بلیتانە بۆ هاندەرانی تیپە پاڵاوتنەکان تەرخانکراون و کۆمەڵەکانی ئەندامی بەشداربوو بەرپرسیار دەبن لە دابەشکردنیان بەگوێرەی پێوەرەکانی خۆیان.
کام بلیت گرانترینە؟
نرخی بلیتی فەرمی مۆندیال لە نێوان 60 بۆ 6730 دۆلاردایە. بەڵام هێشتا بلیتی ئاسایی بۆ یاری کۆتایی لە ماڵپەڕی فیفادا بەردەست نییە. بۆیە ئێمە پشت بە ماڵپەڕەکانی دووبارە فرۆشتنەوە دەبەستین، کە ئامادەبوون لەو یارییەدا کە پاڵەوانی جیهانی ساڵی 2026 دیاری دەکات دەتوانێت بە نزیکەیی لە 9 هەزار دۆلارەوە تا نزیکەی 44 هەزار دۆلار بێت، کە کەمێک زیاترە لە دوو هێندەی نرخی بلیتی سوپەربۆڵ لە تایبەتترین بەشەکانیدا.
