یانەیەکی فەڕەنسی نرخی ئەستێرەکەی لەسەر چێڵسی گران دەکات
یاریگا –
یانەی رێنی فەڕەنسی نرخی دەستبەرداربوونی جێرمی جاکێتی بۆ چێڵسی بەشێوەیەکی بەرچاو بەرزکردەوە.
چێڵسی بەجیدی هەوڵی بەهێزکردنی هێڵی بەرگری پێکهاتەکەی لە گواستنەوەی زستانەدا دەدات و بەڕێوەبەرانی یانەکەش هیوادارن لە چەند رۆژی داهاتوودا جاکێت لە یانەی رێن بگوازنەوە، بەڵام ئەرکەکەیان لێ قورسکراوە.
دەگوترێت چێڵسی ئامادەیە 50 ملیۆن یۆرۆ بۆ گواستنەوەی جێریمی پێشکەشی رێنس بکات بەڵام، یانە فەرەنسییەکە داوای زیاتر لە 60 ملیۆن یۆرۆ بۆ گواستنەوەی بەرگریکارە تەمەن 20 ساڵەکەی دەکات، گفتوگۆکانی نێوان هەردوولا بۆ کۆتاییهێنان بە گواستنەوەکە پێش داخرانی وادەی گواستنەوەی زستانە بەردەوامە.
🚨 Chelsea are prepared to pay €50M for 20-year-old French defender Jérémy Jacquet, but Rennes are holding out for more than €60M.
The 20-year old has made it clear that he would like to join the Premier League outfit.
(Source: RMC Sport ) pic.twitter.com/BW3DR5DzxZ
— football sage (@Jay_Jay116) January 18, 2026
ئەو بەرگریکارە پێشتر لە چاوپێکەوتنەکانیدا لەگەڵ میدیاکان و لەم دانوستانانەدا جەختی لەوە کردەوە کە ئارەزوی چوونی بۆ ستامفۆرد بریج هەیە، بەڵام رێن هیواخوازە بتوانێت بەو نرخەی کە خۆیان دەیانەوێت بیفرۆشن، بەتایبەتی کە لەلایەن چەند یانەیەکی ئەوروپییەوە چاودێری دەکرێت.
ئەمە لە کاتێکدایە کە ژمارەی پێوانەیی پێشووی رێن بۆ گواستنەوەی یاریزانان بۆ جێرمی دۆکۆ بوو کە بە نزیکەی 55 ملیۆن یۆرۆ دەستبەرداری بوو، هێشتا یەکلایی نەکراوەتەوە ئایا چێڵسی ئامادەیە لە گواستنەوەی زستانە ئەم بڕە پارەیە خەرج بکات یاخود نا.
جیا لە چێڵسی ریال مەدریدیش ئارەزووی گواستنەوەی ئەم بەرگریکارە فەڕەنسییەی هەیە بەڵام بە گوێرەی ئەوەی گرێبەستی جێرێمی تاوەکوو هاوینی 2029یە ئەم گواستنەوەیە قورستر دەکات.
