فەرمی؛ بارسێلۆنا هۆکاری دوورخرانەوەی رافینیا ئاشکرا دەکات

یاریگا

بارسێلۆنا بەشێوەیەکی فەرمی هۆکاری دوورخرانەوەی رافینیا لە یارییەکەی ریال سۆسیداد رووندەکاتەوە.

یانە کاتالوونیەکە بڵاویکردووەتەوە، ماسوولکەی رانی راستی رافینیا ئازاری هەیە، بەو هۆیە وەک رێکارێکی خۆپارێزی بانگهێشتی یارییەکەی ئەمشەو بەرامبەر ریال سۆسیداد نەکراوە.

❗️ 𝗠𝗘𝗗𝗜𝗖𝗔𝗟 𝗡𝗘𝗪𝗦

First team player Raphinha sits out the game against Real Sociedad as a precaution due to a knock to the right thigh. pic.twitter.com/vh7881dNTt

— FC Barcelona (@FCBarcelona) January 18, 2026

رافینیا هەر بەهۆی ئەو پێکانە بەشداریی مەشقەکانی دوێنێی یانەکەی نەکرد، بارسا لیستی یاریزانە بانگهێشتکراوەکانی بۆ یارییەکەی سۆسیداد بڵاوکردووەتەوە و رافینیا دوورخراوەتەوە.

بارسێلۆنا ئەمشەو لە یارییەکانی گەڕی 20ـی لالیگا کاتژمێر 23:00 بەکاتی هەولێر دەبێتە میوانی ریال سۆسیداد.

رافینیا کاریگەرترین یاریزانی ئەم وەرزەی بارسێلۆنایە و لە 18 یاریی بەشداریی 16 گۆڵی کردووە، 11 گۆڵی کردووە و پێنج گۆڵی دروستکردووە.

ئەستێرەیەکی کاریگەر دوورخرایەوە؛ لیستی یاریزانانی بارسێلۆنا بۆ یارییەکەی سۆسیداد