ئەستێرەیەکی ئیتیحاد دەگەڕێتەوە بۆ ئەوروپا
یاریگا –
ئەستێرەیەکی ئیتیحاد لە رێگەی یانەیەکی تورکیەوە دەگەڕێتەوە بۆ ئەوروپا.
بەگوێرەی زانیارییەکانی ماریۆ کۆرتێنگای رۆژنامەنووس لە ئاتلێتیک، ئێنگۆلۆ کانتێ لەگەڵ فەنەرباچێ گەیشتووەتە ئاستی پێشکەوتوو لە گفتوگۆیەکانی نێوانیان.
ماریۆ نووسیویەتی یانە سعوودیەکە لەئێستادا بیر لە دەستبەرداربوون لە ئەستێرە فەڕەنسیەکەی ناکاتەوە، بەڵام بۆ مێرکاتۆی هاوین دەسەڵاتێکی بەسەریەوە نامێنێ بۆ گلدانەوەی لە یانەکە، بەوپێیەی کانتێ دەبێتە یاریزانێکی ئازاد لە بازاڕەکە دوای بەسەرچوونی گرێبسەتەکەی.
⚡️N’Golo Kante advancing in talks with Fenerbahce
➕Al Ittihad currently not considering the player’s exit in January but powerless to stop a move as a free agent for the summer@J_Tanswell @TheAthleticFC https://t.co/eawnwgHz0F— Mario Cortegana (@MarioCortegana) January 13, 2026
کانتێ دوای 10 ساڵ یاریکردن لە ئەوروپا، سەرەنجام لە هاوینی 2023 وەک ئایکۆنێکی دیاری چێڵسی ریزەکانی بلووزی جێهێشت و پەیوەندی بە خولی سعوودیەوەکرد.
