یاریگا –
دوای شكستەكەی شەوی رابردووی كلاسیكۆ بڕیاری كۆتایی لەبارەی داهاتووی چابی ئاڵۆنسۆ راهێنەری ئیسپانی یانەكەیان دەدرێت.
شەوی رابردوو بارسێلۆنا و ریال مەدرید لە یاریی كۆتایی جامی سوپەری ئیسپانیا لە سعوودیە رووبەڕووبوونەوە و یارییەكەش بە بردنەوەی بارسا بە ئەنجامی سێ گۆڵ بەرامبەر دوو گۆڵ كۆتاییهات.
رافینیا دوو گۆڵ و لیڤاندۆڤسكی گۆڵەكانی بارسێلۆنایان كرد و ڤینیسیۆس جونیۆر و گۆنزالۆ گارسیاش گۆڵەكانی ریال مەدریدیان كرد.
🚨 JUST IN: Xabi Alonso will NOT be sacked.
Real Madrid believe the performances are improving, and the club is working to find possible improvements WITH Xabi.
The first priority is physical improvement and stopping injuries. @jfelixdiaz 🇪🇸 pic.twitter.com/jBAjAJkumr
— Madrid Xtra (@MadridXtra) January 12, 2026
بە گوێرەی زانیارییەكانی رۆژنامەی ئاس، چابی ئاڵۆنسۆ لە كارەكەی بەردەوام دەبێت و دوورناخرێتەوە.
لە ناو ریال مەدرید پێیان وایە شێوازی یارییكردنی ریال مەدرید بەرەو باشتر دەڕوات و یانەكەش كاردەكات بۆ ئەوەی شتەكان لەگەڵ ئاڵۆنسۆ باشتر بكات.
یەكەم كار باشتركردنی توانای جەستەیی یاریزانان و وەستاندنی پێكانەكانە.
ریال مەدرید بە جیاوازی چوار خاڵ لە دوای بارسێلۆنای پێشەنگ دێت.
