یاریگا –
دۆمینیک سۆبۆسلای، ئەستێرەی هەنگاری یانەی لیڤەرپوولی ئینگلیزی دەیەوێت لە یانەكەی بەردەوام بێت.
سۆبۆسلای لە هاوینی 2023 لە ریزەكانی لایپزیگەوە بە بەهای 70 ملیۆن یۆرۆ پەیوەندی بە لیڤەرپوولەوە كرد و گرێبەستەكەی لەگەڵ یانەكەی لە هاوینی 2028 بەسەردەچێت.
🚨 EXCLUSIVE 🚨
Liverpool have reached an agreement in principle over a new contract for Dominik Szoboszlai! 🔴
📝 @indykaila with the details 👇👇 pic.twitter.com/QRaq4mn9wo
— CaughtOffside (@caughtoffside) January 9, 2026
بە گوێرەی زانیارییەكانی تۆڕی كۆت ئۆفساید، دۆمینیک سۆبۆسلای گەیشتووەتە رێككەوتنی سەرەتای و گرێبەستەكەی لەگەڵ لیڤەرپوول نوێدەكاتەوە.
هەریەک لە یانەكانی ریال مەدرید و بایرن میونشن گرنگیان بە گواستنەوەی ناوەڕاستكارە هەنگارییەكە دەدا، بەڵام بڕیاری مانەوەی لە ئانفیڵد داوە.
سۆبۆسلای یاریزانێكی گرنگی پێكهاتەی لیڤەرپوولە و ئارنە سڵۆتی راهێنەر لە چەند شوێنێكی یاریگا یاریی بە یاریزانەكە دەكات.
سۆبۆسلای لەم وەرزەدا بەشداری 27 یاریی كردووە و توانیویەتی پێنج گۆڵ بكات و پێنج گۆڵیش درووست بكات.
لەگەڵ لیڤەرپوول بەشداری لە 121 یاریی كردووە و توانیویەتی 20 گۆڵ بكات و 19 گۆڵیش درووست بكات.
