هۆکارێکی سەیر؛ یاریزانەکانی نەیجیریا بایکۆتی یاریی داهاتوویان دەکەن
یاریگا –
هەڵبژاردەی نەیجیریا هەڵوێستێکی توند وەردەگرن و بەشداریی یاریی داهاتوویان ناکەن کە بەرامبەر جەزائیرە.
“سوپەر ئیگڵ” لە قۆناخی کۆمەڵەکانی جامی نەتەوەکانی ئەفریقا کە لە وڵاتی مەغریب بەڕێوەدەچێت، هەرسێ یاریەکەی بردەوە کە بەرامبەر هەڵبژاردەکانی تونس، تەنزانیا و یوگەندا بوو. بەوەش بەشایستەیی سەرکەوتن بۆ چارەکی کۆتایی و لەوێ رووبەڕووی جەزائیر دەبنەوە.
بەگوێرەی سەرچاوەکان لەو وڵاتەوە، نەیجیریا کە یەکێکە لە پاڵێراوە سەرەکییەکانی جامەکە، یاریزان و ستافی راهێنەران بڕیاری بایکۆتکردنی یارییەکەیان داوە ئەوەش لەپای وەرنەگرتنی پاداشتە داراییەکان کە یەکێتی تۆپی پێی وڵاتەکە پێی نەداون.
سەرچاوەکان نووسیویانە کە بڕیاربووە یەکێتیەکە بۆ هەر بردنەوەیەک لە قۆناخی کۆمەڵەکان، یاریزان و دەستەی راهێنەران پاداشت بکات، بەڵام ئێستاشی لەگەڵبێت وەریاننەگرتووە.
تەنانەت ئەوەش زانراوە کە هەڵوێستەکە هێندە جیددی و توندە، یاریزانەکان راهێنانەکانیش بایکۆت دەکەن ئەگەر بێتو تا پێنجشەممەی ئەمڕۆ پێنجشەممە کە دەکاتە دوو رۆژ بەر لەو یارییە گرنگە کێشەکانیان چارەسەر نەکرێت.
BREAKING NEWS: Super Eagles squad will not travel to Marrakech for the Algeria game, unless NFF offsets all outstanding winning bonuses at the AFCON 2025 pic.twitter.com/yZQHEGce6D
— Nigeria Stories (@NigeriaStories) January 7, 2026
