یاریگا –
ریال مەدرید بە بردنەوەیەکی گەورە دەستی بە یارییەکانی ساڵی نوێی 2026 کرد کاتێ لە هەفتەی 19ی خولی ئیسپانی 5-1 لە ریال بێتیسی بردەوە.
ریال ماوەیەک بوو ئەنجامەکانی بە دڵی هاندەرانیان نەبوو، یان بردنەوەکانیشیان بە زەحمەت بوو. بەجۆرێک، لە کۆی 6 یاریی لە مانگی دیسەمبەری رابردوو، دوو جار شکستیان خواردبوو. بۆیە بۆ ساڵی نوێ، بەبێ کیلیان ئێمباپێ ئەستێرەی یەکەمی یانەکە روخسارێکی جیاوازتریان پیشاندا. وەک راول ئاسێنسیۆ کە خاوەنی گۆڵی سێیەمی میرێنگی بوو بەرامبەر یانە باسکیەکە، وتی
دەبوو وێنەیەکی جیاوازتر لەوە پیشان بدەین کە لە مانگی دیسەمبەر پیشانماندا. گۆڵەکەشم پێشکەشی کوڕێک کرد کە لە دورگەکانی کەنارییە و دووچاری شێرپەنجەی خوێن بووە و ماوەیەکی زۆرە پێوەی دەناڵێنێت. زۆر هەستێکی جوانیشم هەبوو کە پێشکەشی ئەوم کرد.
ریال بەو بردنەوەیە، کە تێیدا گۆنزالۆ گارسیا پاڵەوانی سەرەکی بوو بە تۆمارکردنی هاتریک، کۆی خاڵەکانی گەیاندە 45 خاڵ و جیاوازییەکەی لەگەڵ بارسێلۆنای پێشەنگ کەمکردەوە بۆ چوار خاڵ.
🗣️ Raúl Asencio: “Había que dar una imagen diferente a la que dimos en diciembre, mi gol se lo he dedicado a un chico canario, que se llama Elías, tiene leucemia y lleva mucho tiempo luchando, y ha sido muy bonito dedicárselo a él.”
QUÉ BONITO 🥹🥹👏🏻 pic.twitter.com/B5DoWVRgtc
— (fan) REAL MADRID FANS 🤍 (@AdriRM33) January 4, 2026
هاوکات بردنەوەکە بۆ شاهانەکان پاڵنەرێکی گەورەدەبێت بۆ یارییە قورسەکەی پێنجشەممەی ئەم هەفتەیان کە لە جامی سوپەری ئیسپانیا رووبەڕووی ئاتلێتیکۆ مەدرید دەبنەوە لەنێو خاکی سعوودیە.
