یاریگا –
لە ماوەی رابردوودا، دەرکەوتنەکانی پێپ گواردیۆلا لە کۆنگرە رۆژنامەوانییەکاندا پڕ بوون لە گرژی، وەڵامی توند، و هەڵچوون.
رۆژنامەنووسی نزیک لە یانەی مانچێستەر سیتی، جاک گۆگان، پەردە لەسەر هۆکارە شاراوەکانی پشت ئەم هەڵسوکەوتانە و پلانەکانی داهاتووی یانەکە هەڵدەداتەوە.
بۆچی گواردیۆلا تووڕەیە؟
جاک گۆگان بۆ دهیلی مهیلی ئینگلیزی ئاشكرایكردووه، ئەو “لێدان و هێرشانهی گواردیۆلا لە کۆنگرەکاندا دەیدات، بەهەڕەمەکی نین.
گواردیۆلا هەست بەوە دەکات کە میدیاکان و رەخنەگران چاوەڕێی کەوتنی دەکەن، ئەو پێی وایە کەمترین رێز لە مێژووی دەستکەوتەکانی دەگیرێت کاتێک تیپەکە تووشی دابەزینێکی کاتی دەبێت. ئەو تووڕەییەی بەرامبەر پرسیارە دووبارەکانە سەبارەت بە داهاتووی و کۆتاییهاتنی سەردەمەکەی.
The reasons behind spiky Pep Guardiola’s press conference pot shots, how he REALLY feels about Man City speaking with Enzo Maresca – and the man he’s privately backing to replace him, reveals JACK GAUGHAN https://t.co/bRW0UlYrc9
— Daily Mail Sport (@MailSport) January 4, 2026
راستیی هەڵوێستی بەرامبەر ئینزۆ مارێسکا
یەکێک لەو بابەتانەی مشتومڕی زۆری ناوەتەوە، دەنگۆی گفتوگۆی نهێنیی کارگێڕی مانچێستەر سیتییە لەگەڵ ئینزۆ مارێسکا راهێنەری پێشووی چێڵسی و یاریدەدەری پێشووی گواردیۆلا.
هەستی راستەقینەی پێپ
راپۆرتەکە ئاشکرای دەکات کە گواردیۆلا بە هیچ شێوەیەک دژی مارێسکا نییە و پەیوەندییان باشە، بەڵام شێوازی مامەڵەی یانەکە لە گەڕان بەدوای جێگرەوەی لە کاتێکدا ئەو هێشتا لە پۆستەکەیدایە، نیگەرانی کردووە، پێپ دەیەوێت پرۆسەکە بە هەماهەنگی بێت نەک لە پشت پەردەوە.
ئەو پیاوەی گواردیۆلا بە نهێنی پشتیوانی دەکا
گرنگترین بەشی راپۆرتەکە ئەوەیە کە گواردیۆلا خۆی پاڵێوراوێکی هەیە بۆ ئەوەی دوای رۆیشتنی ئەو، ئهركی راهێنهرایهتی یانهكه بگرێته ئهستۆ
جاک گۆگان ئاشکرای دەکات کە گواردیۆلا لە پشت پەردەوە پشتگیری لە کەسێکی دیاریکراو دەکات کە باوەڕی وایە دەتوانێت درێژە بە فەلسەفەکەی بدات و یانەکە نەڕوخێت.
دۆخی مانچێستەر سیتی لە قۆناخێکی هەستیاردایە، گواردیۆلا لە نێوان تووڕەیی لە میدیاکان و دڵەڕاوکێ لەسەر داهاتووی یانەکە، هەوڵ دەدات باشترین بڕیار بۆ یانهكه بدات. بهپێی ئهو ناوهی دهیی مهیل بڵاویكردووتهوه گواردیۆلا دهیهوێت فێسێنت كۆمپانی راهێنهری ئێستای بایرن میونشن ببێته راهێنهری یانهی مانچێستهر سیتی.
