بارسێلۆنا و دوو یانەی دیکە ململانێی گواستنەوەی کانسێلۆ دەکەن
یاریگا –
جواو کانسێلۆ لەم زستانە سعوودیە جێدەهێڵێت و سێ یانە هەوڵی گواستنەوەی دەدەن.
رۆژنامەنووسی باوەڕپێکراو فابریزۆ رۆمانۆ بڵاویکردووەتەوە، جواو کانسێلۆ، بەرگریکاری یانەی هیلال لەم مێرکاتۆیە سعوودیە جێدەهێڵێت و بڕیاری کۆتایی داوە.
بەگوێرەی هەمان سەرچاوە، ئینتەر میلان راستەوخۆ پەیوەندی بە یانە سعوودیەکە کردووە و پرسیاری کردووە کە ئایە دەتوانن بەشێوەی خواستن گرێبەست لەگەڵ ئەو یاریزانە واژۆ بکەن یاخود نا.
رۆمانۆ ئاماژەی بەوەش کردووە، لە 48 کاتژمێری رابردوو بارسێلۆنا و یوڤێنتوس پەیوەندییان بە هیلال کردووە و پرسیاری دۆخی یاریزانەکەیان کردووە.
🚨🇵🇹 João Cancelo, set to leave Al Hilal in January window as reported this week.
Inter have approached Al Hilal to ask for loan deal conditions and explore potential structure of the deal ⚫️🔵
Barcelona and Juventus also had contact in last 48h to ask about Cancelo situation. pic.twitter.com/qhsBv73CKd
— Fabrizio Romano (@FabrizioRomano) December 30, 2025
کانسێلۆ هاوینی 2024 بەبڕی 25 ملیۆن یۆرۆ لە مانچێستەر سیتییەوە پەیوەندی بە هیلال کرد و تاوەکو هاوینی 2027 گرێبەستی لەگەڵ یانەکە هەیە.
لە سەرجەم پاڵەوانێتییەکان 45 یاریی بۆ یانە سعوودیەکە کردووە، 3 گۆڵی کردووە و 14 گۆڵی دروستکردووە.
