ئینگلتەرا
راهێنەری ئیڤەرتۆن: لە خولەکی یەکەمەوە ئێمە باشتر بووین
دوای شکستە گەورەکەی مانجستەر یونایتد بەرامبەر بە ئیڤەرتۆن، مارکۆ سیلڤا رایگەیاند، هەر لە سەرەتاوە ئیڤەرتۆن باشتربوو.
ئەمە گەورەترین بردنەوەی ئیڤەرتۆنبوو لەم وەرزە و ئاستێکی بەرزی پێشکەشکرد و لە دوای یارییەکە راهێنەری ئیڤەرتۆن مارکۆ سیلڤا رایگەیاند:
“ئاستێکی زۆر باشمان پێشکەش کرد، هەر لە خولەکی یەکەمەوە ئێمە باشتر یاریمان دەکرد”
“ساتێکی خۆش بوو بۆ ئێمە و فشاری زۆرمان کرد، تەنانەت کاتێک گۆڵی یەکەمیشمان تۆمار کرد، فشارەکانمان بەردەوام بوون”
ئێستا مانجستەر یونایتد بە کۆکردنەوەی ٦٤ خاڵ و ئیڤەرتۆن بە کۆکردنەوەی ٤٩ خاڵ لە پلەی شەشەم و حەوتەم دێن، یاری داهاتووی شەیتانە سوورەکانیش، بەرامبەر بە مانجستەر سیتیە، کە یارییەکی زۆر گرنگی خولی ئینگلیزی دەبێت بەوەی ئەگەر سیتی شکست بهێنێت، لیڤەرپوول پلەی یەکەم وەردەگرێت.