یاریگا –
ئەستۆن ڤیلا بردنەوەیەکی دیکەی تۆمارکرد و ئەمجارە بە سەرکردایەتی ئۆلی واتکینس کە بووە فریادڕەسی تیمەکەی ئونای ئێمری.
ڤیێلا لە هەفتەی 18ی پرێمەرلیگ بووە میوانی بلووز. یارییەکە تا خولەکی 63 لە بەرژەوەندی خاوەن ماڵ بوو تا ئەوکاتەی واتکینس قسەی خۆی کرد و تۆڕی یانە لەندەنییەکەی هەژاند دوای تەنها 4 خولەک لە هاتنە ناوەوەی بۆ جەنگەکەی ستامفۆردبریج.
هێرشبەرە ئینگلیزیەکە بەوەشەوە نەوەستا و لە خولەکی 84 گۆڵی بردنەوەی تۆمارکرد و سێ خاڵی دیکەی زێرینی بەخشیە ئەستۆن ڤیلا.
گۆڵی دووەمی واتکینس ریکۆردێکی نوێی لەگەڵ بوو. ناوبراو بووە یەکەمین یاریزان لە مێژووی خولی ئینگلیزی لە سێ یاریی لەدوای یەک لەنێو ستامفۆرد بریج گۆڵی بردنەوە تۆماربکات.
پێشتر توانیبووی لە ئەپرێلی 2023 و سێپتەمبەری هەمان ساڵ ئەو کارە بکات.
3 – Ollie Watkins is the first player in Premier League history to score the winning goal on three separate occasions at Stamford Bridge against Chelsea (April 2023, September 2023, December 2025). Occasion. pic.twitter.com/TbbCtL1yLL
— OptaJoe (@OptaJoe) December 27, 2025
ئەوە 11هەمین بردنەوەی لەسەریەک بوو بۆ ئەستۆن ڤیلا لە سەرجەم پاڵەوانێتیەکانی ئەم وەرزە کە ریکۆردێکی دیکەی مێژووییە لە تۆماری یانەکەدا.
کوڕانی ئێمری بە رکابەرێکی سەرسەختی ئەم وەرزەی پرێمەرلیگ دادەنرێن. ئێستا خاوەنی 39 خاڵن لە پلەی سێیەم. تەنها خاڵێک لە مانچێستەر سیتی پلەی دووەم و، سێ دانە لە ئارسیناڵی پێشەنگەوە دوورن. یاریی داهاتووشیان کە کۆتا یاریی ئەم ساڵی 2025 دەبێت، بەرامبەر گەنەرزە بۆ شەڕی لووتکەی خولەکە.
