دەنگۆكانی مێركاتۆ؛ بارسێلۆنا لەگەڵ یاریزانێک کۆبووەتەوە و لیڤەرپوول شوێنگرەوەی سێمێنیۆ دەستنیشاندەکات

یاریگا –

بارسێلۆنا لەگەڵ بریکاری کارەکانی مارک گێی، بەرگریکاری کریستاڵ پاڵاس کۆبووەتەوە، بەڵام بەهۆی ئەوەی داواکارییە داراییەکانی گێی زۆرن، بارسا کە گرێبەستەکە ساردبووەتەوە – موندۆ دێپۆرتیڤۆ

مارکوس راشفۆد خەون بە مانەوە لە بارسێلۆنا دەبینێت و هەموو شتێک دەکات تاوەکو گرێبەستەکەی درێژبکەنەوە – دەیلی مەیڵ

پێدەچێت کریستاڵ پاڵاس بۆ گواستنەوەی یۆرگن ستراند لارسن، هێرشبەری وۆڵڤز، رکابەری وێستهام یونایتد بکات – تێلێگراف

رۆما دەیەوێت بەشێوەی خواستن گرێبەست لەگەڵ رادو دراگوسین، بەرگریکاری تۆتنهام واژۆ بکات – لاگازێتا دێلۆ سپۆرت

بەهۆی ئەوەی ئانتوان سێمێنیۆ، هێرشبەری بۆرنمس بڕیاریداوە پەیوەندی بە مانچێستەر سیتی بکات، لیڤەرپوول هەوڵی گواستنەوەی بڕادلی بارکۆلا، ئەستێرەی پارسیس سانجێرمان دەدات – کاوت ئۆفساید

بارسێۆنا هەوڵی گواستنەوەی ئاجای تاڤارێس، یاریزانی باڵی نۆرویچ سیتی دەدات کە لەکۆتایی ئەم مانگە تەمەنی دەبێتە 16 ساڵ – موندۆ دێپۆرتیڤۆ

بۆرنمس و چێڵسی هەوڵی گواستنەوەی بەرگریکاری ئیسپانی یانەی لاتسیۆ، ماریۆی جیلای 25 ساڵان دەدەن – ئیل مێساجێرۆ

سپۆرتینگ چاوی بڕیووەتە تواناکانی لویس فدۆس سانتۆس، ناوەڕاستکاری وێستهام و دەیەوێت بەشێوەی خواستن گرێبەست لەگەڵ یاریزانە بەڕازیلییەکە واژۆ بکات – ماسی فووتبۆڵ

ئاستۆن ڤێلا بەهۆی یاسا داراییەکانی پرێمەرلیگ لەم زستانە هیچ یاریزانێک بۆ ئۆنای ئێمری ناگوازێتەوە – گیڤ می سپۆرتس

کۆڵن ئارەزووی گواستنەوەی سێباستیان بۆرناو، بەرگریکاری لیدز یونایتد دەکات، کە پێشتر ئەو یاریزانە لە 2019-2021 یاریی بۆ یانە ئەڵمانییەکە کردووە – بیڵد