یاریگا –
ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی بە دۆخێكی هەستیاردا تێدەپەڕێت.
ڤینیسیۆس 17 یارییە لەسەر یەک لەسەرجەم پاڵەوانیەتیەكان نەیتوانییوە هیچ گۆڵێک بكات.
🔥 Vinicius, entre el respaldo del club y la crítica de la afición
💥 El clima tenso que rodea a Vinicius preocupa a la directiva, que busca evitar la autocomplacencia en el equipo
👉 https://t.co/Qz6pG4IRxL pic.twitter.com/FIgTuAbjwY
— Diario AS (@diarioas) December 21, 2025
بە گوێرەی زانیارییەكانی رۆژنامەی ئاس، ڤینیسیۆس ئێستا لە نێوان پاڵپشتی یانەكەی و توڕەیی هاندەراندایە.
ئەستێرە بەڕازیلییەكە لەلایەن هاندەرانی بێرنابیۆ رەخنەی لێدەگیرێت و فیكەی ناڕەزایی بۆ ئاستی یاریزانەكە لێدەدرێت، بەڵام سەرەڕای رەخنەی زۆری هاندەران ئیدارەی ریال مەدرید، یاریزانان و كاپتنانی یانەكە بە تەواوی پاڵپشتی ڤینی دەكەن.
ریال مەدرید و ڤینیسیۆس جونیۆر شانبەشانی یەكتر دەڕۆن، یاریزانەكە لە فیكەی ناڕەزایی هاندەران نیگەران نییە و سەرنجی تەواوی لەسەر گەڕانەوەی ئاستی راستەقینەی خۆیەتی. لێكتێگەیشتنێكی گەورە لە نێوان یاریزانەكە و چابی ئاڵۆنسۆدا هەیە لە دوای گرژییەكانی دوای یاریی كلاسیكۆ.
ڤینیسیۆس دەزانێت لە رووی جەستەییەوە لە باشترین ئاستی خۆیدا نییە، ئیدارەی ریال مەدرید و فلۆرێنتینۆ پێرێز دەربارەی یاریزانە بەڕازیلییەكە دڵنیادەبنەوە، بەتایبەت دوای ئەوەی هۆكاری دابەزینی ئاستی دەزانن. ڤینی ئارامە و دڵنیایە بە گەڕانەوەی ئاستی جەستەیی هەموو شتێک دەگۆڕێت و باش دەبێت.
یانەكە بەتەواوی پاڵپشتی دەكات و لەناو یانەکەدا گەشبینی تەواو هەیە کە گەڕانەوەی ڤینیسیۆس جونیۆر بۆ باشترین ئاستی خۆی بەتەواوی رێڕەوی تیمەكە دەگۆڕێت.
ڤینیسیۆس جونیۆر لەم وەرزەدا 23 یاریی كردووە توانیویەتی پێنج گۆڵ بكات و حەفت گۆڵیش درووستبكات.
