یاریگا –
سەرۆک نێچیرڤان بارزانی سەرۆکی هەرێمی کوردستان، پیرۆزبایی لە هاندەرانی زاخۆ دەکات، بەبۆنەی ئەوەی هاندەرانی زاخۆ لەلایەن فیفا خەڵاتی زە بێستیان بۆ باشترین هاندەر پێدراوە.
بەڕێزان سەرۆک و دەستەی کارگێڕی و هاندەرانی یانەی وەرزشیی زاخۆ،
بە گەرمی پیرۆزباییی ئەم دەستکەوتە جیهانییەتان لێ دەکەم کە تێیدا هاندهرانی دڵسۆزی یانەی زاخۆ لهلایهن فیفاوه وەک باشترین و کاریگەرترین هاندهر لەسەر ئاستی جیهان دەستنیشان کران.
ئەم نازناوە جیهانییه، تەنها سەرکەوتنێک نییە بۆ یانەی زاخۆ، بەڵکوو شانازییە بۆ تەواوی بزووتنەوەی وەرزشی لە هەرێمی کوردستان و عێراق.
ئێوە بە جۆش و خرۆش و شێوازی شارستانییانەی هاندان، یاریگاکهتان کرده تابلۆیەکی هونەریی جوان و پەیامی ئاشتی و خۆشەویستی و ژیاندۆستیی گەلی کوردستانتان بە جیهان گەیاند.
دڵسۆزی و وەفاداریی خەڵکی خۆشەویستی زاخۆ بۆ یانەکەیان، نموونەیەکی باڵایە. هیوادارم هەمیشە وەک پێشەنگ بمێننەوە و پاڵپشتێکی بەهێز بن بۆ پێشکەوتنی وەرزش و بەرزڕاگرتنی ناوی کوردستان.
دووبارە پیرۆزباییتان لێ دەکەم و هەر سەربەرز و سەرکەوتوو بن.
نێچیرڤان بارزانی
سەرۆکی هەرێمی کوردستان
هەروها بەڕێز مەسرور بارزانی، سەرۆکی حکومەتی هەرێمی کوردستان پیرۆزباییەکی گەرم لە یانەی زاخۆ دەکات.
پیرۆزباهیەکا گەرم ل هاندەرێت دڵسۆزێت زاخۆ دکەم ب هەلکەفتا ب دەستئینانا خەلاتا فیفا، ئەڤە سەرکەفتنەکا مەزنە بۆ وەرزش و هاندەرێت وێ ل سەرتاسەرێ کوردستان و عێراقێ.
پیرۆزباهیەکا گەرم ل هاندەرێت دڵسۆزێت زاخۆ دکەم ب هەلکەفتا ب دەستئینانا خەلاتا فیفا، ئەڤە سەرکەفتنەکا مەزنە بۆ وەرزش و هاندەرێت وێ ل سەرتاسەرێ کوردستان و عێراقێ.
— Masrour Barzani (@masrourbarzani) December 16, 2025