یاریگا –
ریال مەدرید رۆژێک بەر لە رووبەڕووبوونەوەی ئالاڤێس، تواناکانی کیلیان ئێمباپێ، هێرشبەری فەڕەنسی بۆ دەگەڕێتەوە.
ئەمرۆ یاریزانانی ریال مەدرید دەستیان بە مەشقەکانیان کردەوە، کیلیان ئێمباپێ لەگەڵ هاوڕێکانی بەشداریی مەشقە بەکۆمەڵەکانی کردووە و بۆ یارییەکەی ئالاڤێس ئامادە دەبێت.
سوپەر کیلیان بەهۆی پێکان چوارشەممەی رابردوو نەیتوانی لە چامپیۆنزلیگ بەرامبەر مانچێستەر سیتی یاریی بکات.
هاوکات جیا لە ئێمباپێ، دین هاوسن، بەرگریکاری ئیسپانی بەشداریی مەشقەکانی ئەمڕۆی کردووە و بۆ یارییەکەی ئالاڤێس ئامادەیە. هەروەها ئانتۆنیۆ رودیگەریش بەبێ گرفت مەشقی کردووە.
سبەی یەکشەممە 14ـی دێسێمبەر، کاتژمێر 23:00 بەکاتی هەولێر ریال مەدرید لە یارییەکانی گەڕی 16ـی لالیگا دەبێتە میوانی دێپۆرتیڤۆ ئالاڤێس.