یاریگا –
چارەنووسی چابی ئاڵۆنسۆ سنووردارکراوە و ریال مەدرید ماوەی زۆرتری پێنابەخشێت ئەگەر لە تاقیکردنەوەی داهاتووی دەرنەچێت.
ئەنجامەکانی یانە شاهانەکە لە خراپەوە بۆ خراپتر دەڕۆن و شەوی رابردووش بە مانچێستەر سیتی دۆڕا کە دووەم شکستی لەسەریەک بوو لەنێو سانتیاگۆ بێرنابیۆ لە ماوەی کەمتر لە چوار کە پێشتر لە خولی ئیسپانی بە سێڵتاڤیگۆش دۆڕابوون.
بەگوێرەی زانیارییەکانی فلۆریان پلێتنبێرگ کە تۆزێ پێش ئێستا بڵاویکردەوە، ریال مەدرید لە شکستەکەی مان سیتیش پشوودرێژییەکی دیکەیان لەگەڵ ئاڵۆنسۆ لەبەرچاو گرتووە، بەڵام وەک کۆتا دەرفەت لای کەم یاریی داهاتوویان یەکشەممەی هەفتەی دادێ بەرامبەر ئالاڤێس کۆتا دەرفەتە پێی دراوە بۆ راستکردنەوەی دۆخەکە.
هاوکات ئەو رۆژنامەنووسە ئەوەشی زانیوە، لە باری دوورخستنەوەی ئاڵۆنسۆ، هەرچەندە ریال خوازیاری بڕیارێکی وا نییە، ئەوا کارگێڕی یانە مەدریدیەکە ناوێکی بەهێزی وەک بەربژێر بۆ شوێنەکەی ئاڵۆنسۆ ئاشکراکردووە کە ئەویش یۆرگن کڵۆپە.
🚨⚪️ Xabi #Alonso is expected to be given at least the match on Sunday in Alaves.
Understand in the event of a dismissal (which Real Madrid are keen to avoid), Jürgen #Klopp is among the candidates.@SkySportDE 🇪🇸🇩🇪 pic.twitter.com/KNNsyWjXDA
— Florian Plettenberg (@Plettigoal) December 11, 2025
کلۆپ یەکەمجاری نییە ناوی بە داهاتووی ریالەو دەبەسترێتەوە، بەڵام بەهۆی ئەو گرێبەستە گەورەیەی لە گەڵ رێد بوڵ هەیەتی بۆ پێشخستنی وەرزشیی لەو کۆمپانیا زەبەلاحە، پێناچێ بەئاسانی بڕیار لە جیابوونەوە بدات.
ناوی زینەدین زیدانیش بەتوندی بەستراوەتەوە بە شوێنەکەی ئاڵۆنسۆ، تەنانەت شەوی رابردوو زیزۆ لە نزیکەوە لەنێو سانتیاگۆ بێرنابیۆ تەماشای یارییەکەی دەکرد کە وا لێکدرایەوە ئامادەکارییەک بێت بۆ جارێکیتر پێدانەوەی کورسی راهێنەرایەتی مێرێنگی.
