یاریگا –
هاندەرانی ریال مەدرید پاڵپشتی خۆیان بۆ چابی ئاڵۆنسۆ، راهێنەری یانەکە دەردەبڕن و داوای مانەوەی دەکەن.
شەوی رابردوو لە یارییەکانی قۆناخی خول لە چامپیۆنزلیگ ریال مەدرید لە سانتیاگۆ بێرنابیۆ میوانداری مانچێستەر سیتی کرد و 2-1 یارییەکەی بە یانە ئینگلیزییەکە دۆڕاند.
تیپەکەی چابی ئاڵۆنسۆ سەرەڕای ئەوەی بەبێ حەوت یاریزانی سەرەکی رووبەڕووی مانچێستەر سیتی بووەوە ئاستێکی بەرزی پێشکەشکرد و رەزامەندی هاندەرانی بەدەستهێنایەوە.
👏 Los aficionados del @realmadrid apoyan a @XabiAlonso a la salida del Santiago Bernabéu:
💪 "Paciencia, Xabi. Confiamos en ti"
📻 #PartidazoCOPE pic.twitter.com/g1EmbsxjdJ
— El Partidazo de COPE (@partidazocope) December 10, 2025
پاش یارییەکە هاندەرانی ریال مەدرید لە دەرەوەی بێرنابیۆ ئۆتۆمبێلەکەی چابی ئاڵۆنسۆ، راهێنەری یانەکە رادەگرن، وێنەی لەگەڵ دەگرن و بە چەند درووشمێکی جیاواز پاڵپشتی خۆیانی بۆ دووپاتدەکەنەوە و داوای مانەوەی دەکەن.
بەر لە یارییەکە هاندەرانی یانەکە لە ئاڵۆنسۆ نیگەران بوون، دەنگۆی ئەوە هەبوو ئەگەر ئەو یارییە بدۆڕێنێت لە پۆستەکەی دووردەخرێتەوە.
بەڵام بەگوێرەی زانیارییەکانی تۆڕی سکای سپۆرتس، بەهۆی ئەو ئاستە بەرزەی بەرامبەر مانچێستەر سیتی پێشکەشیان کرد، ریال مەدرید دەرفەتێکی دیکە بە راهێنەرە ئیسپانییەکە دەبەخشێت و یارییەکەی ئالاڤێس کۆتا دەرفەتی دەبێت.
