یاریگا –
کۆمپانیای وەبەرهێنانی وەرزشی قەتەر (QSI) بەخاوەندارییەتی ناسڕ خلێفی، یانەی کاس یوپێنی پلە دووی بەلجیکی کڕییەوە.
ئەمە سێیەم یانەیە کە کۆمپانیا قەتەرییەکە وەبەرهێنانی تێدا کردووە. رۆژی سێشەممە، کۆمپانیای قەتەر سپۆرت ئینڤێستمەنتز (QSI) کە لە ساڵی 2011ەوە خاوەندارێتی یانە پاریسییەکەیە دەکات، کڕینەوەی یانەی کاس یوپێنی بەلجیکی پلە دووی بەلجیکی بە فەرمی راگەیاند.
دوای کڕینی 100%ی پاریس سانجێرمان لە ساڵی 2011 و دواتر کڕینی 21% پشکەکانی یانەی براگای پۆرتوگالی، ئەمە سێیەم یانەیە کە QSI پشکەکانی تێدا وەرگرتووە. ئامانجی وەبەرهێنانەکە دروستکردنی تیپێکی رکابەر لە بەلجیکا و رەخساندنی دەرفەت بۆ کاس یوپێن کە ئێستا لە پلەی حەوتەمی خولی پلە دووی بەلجیکایە، بگەڕێتەوە بۆ خولی پلە یەک.
🚨 QSI, propriétaire du PSG, achète un nouveau club en Europe.https://t.co/nl4LaCUvl5
— RMC Sport (@RMCsport) December 9, 2025
یانەکە پێشتر لە ژێر خاوەندارێتی ئەکادیمیای ئاسپایر بوو کە هاوکات بنکەکەی لە پایتەختی قەتەرە. ئامانجی ئاکادیمیاکە ئەوە بوو کە بەتواناترین یاریزانە لاوەکانی ئەفریقی لە ئەوروپا رکابەری بکەن. نموونەش موسا واگ بوو کە لە مۆندیالی 2018 بۆ هەڵبژاردەی سەنیگال یاری کرد و بووە بچووکترین گۆڵکاری ئەفریقا لە مێژووی مۆندیالدا دوای ئەوەی لە یارییەکەی بەرامبەر ژاپۆن گۆڵی کرد.
یانەی کاس یوپێن ئێستا لەلایەن برۆنۆ پینهێیرۆی راهێنەری پۆرتوگالییەوە بەڕێوەدەبرێت، کە پێشتر راهێنەری هەڵبژاردەی لاوانی قەتەر و سەد بووە.
