یاریگا –
چابی ئاڵۆنسۆ، راهێنەری ریال مەدرید ناچارە بە پێکهاتەیەکی تەواو جیاواز رووبەڕووی مانچێستەر سیتی و دێپۆرتیڤۆ ئالاڤێس ببێتەوە.
ئاڵۆنسۆ قەیرانێکی گەورەی لە هێڵی بەرگری بۆ دروستبووە، ئەمەش بەهۆی پێکانی یاریزانانی وەکو دین هاوسن، دانی کارڤاخال، ترێنت ئالێکساندەر ئارنۆلد، فێرلاند مێندی و دەیڤد ئالابا.
کێشەکانی ئاڵۆنسۆ لە یاریی شەوی رابردوو بەرامبەر سێلتا ڤیگۆ کەڵەکەبوون، دوای تووشبوونی ئیدێر میلتاو بە پێکان لەسەر ئاستی ماسوولکەی ران.
بۆ یاریی داهاتووی مەدریدیش لە لالیگا، ئالۆنسۆ جیا لە یاریزانانی پێکراو، بەهۆی وەرگرتنی کارتی سوور، لە تواناکانی ئالڤارۆ کارێراس و فران گارسیا بێبەش دەبێت.
بەگوێرەی میدیاکانی نزیک لە مەدرید، ئاڵۆنسۆ ناچارە ئۆرێلیەن چوامینی و فێدێریکۆ ڤالڤێردی لە هێڵی بەرگری یاریی پێبکات، چونکە تەنیا ئانتۆنیۆ رودیگەر و راوول ئاسێنسیۆی لە هێڵەکە ماوە و هیچ یاریزانێکی باڵی بەرگری بەردەست نییە.
🚨 Real Madrid’s defense for the next La Liga game against Alaves will be without:
• Dean Huijsen
• Éder Militão
• Trent Alexander Arnold
• Dani Carvajal
• David Alaba
• Ferland Mendy
• Álvaro Carreras (red card)
• Fran Garcia (red card). pic.twitter.com/CST5gxosr5— Madrid Universal (@MadridUniversal) December 7, 2025
مانچێستەر سیتی بە تاقیکردنەوەیەکی جیدی بۆ کەتیبەی ئاڵۆنسۆ دادەندرێت، بە تایبەت ئێستا یانەکە ئاستێکی بەرز لە پرێمەرلیگ پێشکەش دەکات، بەڵام هەرچی نەبێت، دەتوانێت بەشداری بە کارێراس و گارسیا بکات.
