ئەم زستانە دەرگای رۆشتن بە رووی ناوەڕاستکارێکی مانچێستەر یونایتدا دەکرێتەوە
یاریگا –
کڕیاری جیدی لە یاریزانێکی مانچێستەر یونایتد هاتووەتەپێشەوە و چاوەڕوان دەکرێت رێگری لە رۆشتنی نەگیردرێت.
بەگوێرەی زانیارییەکانی ئیرۆڵ ئێڤشینی رۆژنامەنووسی تورکی، یانەی گالاتاسەڕای لە نزیکەوە چاودێرێ دۆخی مانوێل ئوگارتی دەکەن.
رۆژنامەنووسەکە زانیویەتی ئوگارتی کە ئێستا بەشێک نیە لە پلانە سەرەکییەکانی روبێن ئامۆریم، چاوەڕوان دەکرێت هەر لەم زستانە لە مان یونایتد جیاببێتەوە.
لە درێژەی زانیارییەکانیدا ئێڤشین ئەوەشی نووسیوە کە گالاتاسەرای لە مێرکاتۆی ئەم زستانە بەفەرمی لە دەرگای یانە ئینگلیزیەکە دەدات بۆ گواستنەوەی ئەو یاریزانە ئۆرۆگواییە.
🚨 Devre arası Manchester United ile yollarını ayırması gündemde olan Manuel Ugarte’nin durumunu Galatasaray yakından takip ediyor.
Galatasaray, Manuel Ugarte için devre arasında Manchester United’ın kapısını çalacak.
— Erol Evcen (@ErolEvcenn) December 7, 2025
ئوگارتی هاوینی 2024 لە پاریس سانجێرمانەوە بە بڕی 50 ملیۆن یۆرۆ گواسترایەوە بۆ ئۆڵدترافۆرد. بەڵام نەیتوانیوە متمانەی تەواوەتی ئامۆریم بەدەستبهێنێت بۆ پێگەی سەرەکیی لە رکابەرێتی کارلۆس کاسیمیرۆ.
