یاریگا –
ئێڤەرتن بە راهێنەرایەتی داڤید مۆیس بەردەوامە لە درێژەدان بە بردنەوەکانیان و ئەمشەویش 3-0 لە نۆتینگهام فۆرێستیان بردەوە.
یەکەم کاروانی راهێنەرایەتی پیشگەرێتی مۆیس دەگەڕێتەوە بۆ ساڵی 1998. درێژترین ماوەش لەگەڵ یانەیەک هەر لەگەڵ ئێڤەرتن بوو لە ساڵی 2002-2013. دواتر یانەکانی مانچێستەر یونایتد، ریال سۆسیداد، سەندەرلاند، وێستهام یونایتد. لە زستانی ئەم ساڵی 2025یش جارێکیتر گەڕایەوە بۆ ئیڤەرتن بە گرێبەستێکی دوو ساڵ و نیوی و توانی یانەکە لە دابەزین دووربخاتەوە.
لەدوای بردنەوەکەی ئەمشەویان لە نۆتینگژهام، راهێنەرە سکۆتلەندیەکە بە گەشبینیەکی زۆرەوە لە تیمەکەی موژدەیەکی گەورەی بە هاندەرانیان دا و، جەختیکردەوە کە ئامانجەکانیان تەنها پرێمەرلیگ نیە، بەڵکو ئامانجی ئەوروپیشیان هەیە و وتی
ئەم تیمە پێویستە لە رکابەرێتیە ئەوروپیەکان بێت. بەڵام خەڵکی دەبێت کاتمان بداتێ و بزانێت لە چەند ساڵی رابردوودا دۆخەکە چەند خراپ بووە. بەڵام من بەو ئاڕاستەیە دەڕۆم، هەروەها یاریزانەکانیش.
بە بردنەوەکە کە چوارەم سەرکەوتن بوو لە دوایین پێنج یاریی بۆ ئێڤەرتن، یانەکە ئێستا بە کۆکردنەوەی 24 خاڵ لە پلەی پێنجەمە. بەڵام ئەرکیان لە دوو یاریی داهاتوودا قورسترە. لە ماوەی دوو هەفتەی لەدوای یەک رووبەڕووی چێڵسی و ئارسیناڵ دەبێتەوە.
“This Club should be challenging for Europe or in Europe, but people need to give us time and understand how bad it’s been in the last few years. But I’m going for it – and so are the players.”
David Moyes on a fourth victory in five games. 📈 #EVENFO pic.twitter.com/hALw6EtWQ2
— Everton (@Everton) December 6, 2025
