یاریگا –
چابی ئاڵۆنسۆ، راهێنەری ریال مەرید رەتیکردەوە گلەیی و لۆمەی یاریزانان بکات، سەرەڕای سێیەم یەکسانبوونی لەسەریەک لە لالیگا.
شەوی رابردوو مەدرید 1-1 بە جیڕۆنا یەکسانبوو، ئەمەش دوای دوو یەکسانبوونی دیکە بەرامبەر رایۆ ڤاییکانۆ و ئێڵچێ، ئەمەش رێگەی بۆ پێشەنگایەتی بارسێلۆنا بە جیاوازی خاڵێک خۆشکرد.
میستەر ئاڵۆنسۆ رەتیکردەوە گلەیی لە ئاستی یاریزانان بکات و لە پرێس کۆنفڕانسی دوای یارییەکە گوتی؛
وێستگەی جیاواز لەم وەرزەدا هەن، سەرەتا ئەنجامی زۆر باشمان هەبوو و لە دەرەوەی یاریگای خۆمان بە ئەنجامی ئەرێنی دەگەڕاینەوە، بەڵام بەمدوواییەی شتەکە گۆڕاوە.
گێمی دووەم لە گێمی یەکەم باشتربوو، دەمانتوانی گۆڵ بکەین، سووربوونێکی زۆرمان بۆ یەکسانکردنەوەی ئەنجام پیشاندا. 3-4 دەرفەتی راستەقینەی گۆڵمان بۆ رەخسا، پێویستە لە جێبەجێکردنی داواکارییەکانی مەدرید بەردەوامبین و داواکارییەکانیش زۆرن.
هیچ گلەیی لە یاریزانان ناکەم، چونکە کاردانەوەیان لە یارییەکان دەبینین. پێویستە لە یەکڕیزی و رەخنەگرتن لەخۆمان بەردەوام بین.
جیا لەمەش دەبێ ویستی بردنەوە لە دەرەوەی یاریگا زیاتر بکەین. دەرفەتی بردنەوەمان لە ئاتلێتیک بیلباو لە سان مامێس هەیە.
#RealMadrid💥Xabi Alonso: “Sorprende que no se revisara la caída de Rodygo” https://t.co/i0B1iJqLKz
— MARCA (@marca) November 30, 2025
بێ هەڵوێستی ناوبژیوان
ئاڵۆنسۆ سەرسووڕمانی خۆی هەڵوێستی ناوبژیوانی چوارەم دەربڕی، دوای بەربوونەوەی رۆدریگۆ لە نێو ناوچەی سزا؛ ب
سەیرە تێکنۆلۆجیای ڤار دەستوەردانی لە بابەتەکە نەکرد، دەکرا ببێتە رووداوێکی یەکلاییکەرەوەی یارییەکە.
