یاریگا –
لیژنەی ناوبژیوانان ئاشکرایکرد کە ئەو ناوبژیوانە سویدییەی بووە هۆی دەرکردنی کریستیانۆ ڕۆناڵدۆ بۆ یەکەمجار لە مێژووی یارییە نێودەوڵەتییەکانیدا، ئەرکی بەڕێوەبردنی یاری کردنەوەی جامی عەرەبی پێ سپێردراوە.
بڕیارە ڕۆژی دووشەممە، ناوبژیوانی سویدی گلێن نیبێرگ، یاری دەستپێکی پاڵەوانێتییەکە لە نێوان هەڵبژاردەی قەتەر و فەلەستین بەڕێوەببات.
ناوبانگی نیبێرگ و رووداوەکەی رۆناڵدۆ
ئەم ناوبژیوانە سویدییە دوو هەفتە لەمەوبەر له 13ـی تشرینی دووەمی 2025، لە میانەی یارییەکانی پاڵاوتنی ئەوروپا بۆ مۆندیالی 2026، کارتی سوری بەڕووی کریستیانۆ رۆناڵدۆی کاپتنی پۆرتوگالدا بەرزکردەوە، دوای ئەوە ناوبانگی زیاتری ده‌ركرد.
لەو یارییەدا کە پۆرتوگال (2-0) بەرامبەر ئێرلەندا دۆڕا، رۆناڵدۆ دوای ئەوەی لەلایەن دارا ئۆشێی بەرگریکاری ئێرلەنداوە راکێشرا، کاردانەوەی توندی نواند و یاریزانەکەی خستە سەر زەوی. سەرەتا ناوبژیوان نیبێرگ تەنیا کارتی زەردی بەرزکردەوە، بەڵام دوای ئەوەی ناوبژیوانی ڤار داوای پێداچوونەوەی كرد، بڕیارەکەی گۆڕی و بە کارتی سور رۆناڵدۆی کردە دەرەوە.
الحكم السويدي غلين نيبيرغ يدير مباراة منتخبنا الوطني مع فلسطين في افتتاح كأس العرب قطر 2025، بينما يدير الحكم الكوستاريكي خوان كالديرون مباراة تونس مع سوريا في نفس المجموعة.#كأس_العرب2025 #قنوات_الكاس || #منصة_شوف pic.twitter.com/8Za5VYSKMk
— قنوات الكاس (@AlkassTVSports) November 30, 2025
ناوبژیوانانی دیکەی پاڵەوانێتییەکە
هاوکات کەناڵی ئەلکاس ئاماژەی بەوە کردووە، جگە لە یاری کردنەوە، ناوبژیوانی کۆستاریکی خوان کالدیڕۆن دیاری کراوە بۆ بەڕێوەبردنی یاری نێوان تونس و سوریا لە چوارچێوەی یارییەکانی کۆمەڵەی یەکەمدا.
جێی ئاماژەیە لەم وەشانەی جامی عەرەبدا، تاقیکردنەوەی یاسای دوورخستنەوە بۆ ماوەی دوو خولەک جێبەجێ دەکرێت، کە تەنیا دوو حاڵەتی تایبەت دەگرێتەوە.
