یاریگا –
ئەمشەو یاریگای ستامفۆرد بریج، میوانداری لووتکەی دێربی لەندەن لە نێوان چێڵسی و ئارسیناڵ لە گەڕی 13ی پرێمەرلیگ دەکات.
ئارسیناڵ بە 29 خاڵ پێشەنگی پرێمەرلیگە، بە جیاوازی 4 خاڵ لەگەڵ مانچێستەر سیتی و شەش خاڵ لەگەڵ چێڵسی.
ئارسیناڵ لە 12 یاریی ئەم وەرزەی پرێمەرلیگدا، 24 گۆڵی کردووە و تەنیا شەش گۆڵی لێکراوە، ئێستا هەمووان چاوییان لەوەیە میکێل ئارتێتا، راهێنەری ئارسیناڵ رێکۆردێکی مێژوویی جۆزێ مۆرینیۆ لەگەڵ چێڵسی بشکێنێت.
چێڵسی لە وەرزی 2004-2005 پرێمەرلیگی بە 95 خاڵ بردەوە، لەسەر ئاستی هێرشبردن 72 گۆڵییان کرد و تەنیا 15 گۆڵییان لێکرا، ئەمەش ریکۆردێکی مێژووییە لە پرێمەرلیگ.
Chelsea 2004/2005 🔵
Jose Mourinho’s Blues are the only team to ever have matched Burnley’s record of 9 goals conceded in 28 games. They went on to have a record breaking season where they conceded only 15 goals in the Premier League. pic.twitter.com/EJjbWkBDaW
— Sleeper Football (@SleeperFooty) January 27, 2025
ئارسیناڵ لە وەرزی 2003-2004 بەبێ دۆڕان بووە پاڵەوانی پرێمەرلیگ، 26 یارییان بردەوە و 12 جاریش یەکسانبوون، کەتیبەکەی ئەوکاتەی ئارسن ڤینەگر بە 90 خاڵ و جیاوازی 11 خاڵ لەگەڵ چێڵسی بووە پاڵەوان.
ئارسیناڵ لە وەرزەکانی رابردوودا لە بەرامبەر چێڵسی باڵادەستە، گەنەرز خاوەنی حەفت بردنەوە، دوو یەکسانبوون و یەک دۆڕانە لە 10 یاریی رابردووی نێوانیان.
لەڕووی مێژووییەوە، ئارسیناڵ 70 یاریی بردووەتەوە و چێڵسیش 54 یاریی.
