یاریگا –
پیپ گواردیۆلای راهێنەری یانەی مانچێستەر سیتی، دوای یارییەکەیان بەرامبەر لیدز یونایتد لە خولی نایابی ئینگلیزی، بەهۆی دیمەنێکەوە کە لەگەڵ ئێرلینگ هالاند بووە جێی مشتومڕێکی بەرفراوان و ده‌نگدانه‌وه‌ی زۆری هه‌بوو.
مانچێستەر سیتی لە یارییەکانی گەڕی 13ـی پریمەرلیگ، لە یاریگای خۆیدا میوانداری لیدز یونایتدی کرد، سیتی توانی سەرکەوتن بەدەستبهێنێت. فیل فۆدن لە خولەکی یەکەم و لە کۆتا ساتەکاندا دوو گۆڵی تۆمار کرد، هەروەها یۆشکۆ ڤاردیۆڵیش گۆڵێکی کرد، لە کاتێکدا لیدز توانیبووی دوو گۆڵ لە رێگەی کالیڤێرت لیوین و لۆکاس نمیشاوە تۆمار بکات.
📸| غوارديولا مع هالاند بعد المباراة.😀🩵 pic.twitter.com/hSlZ0lXFw9
— Insider City (@InsiderCity_Ar) November 29, 2025
گفتوگۆی نێوان هالاند و گواردیۆلا
راستەوخۆ دوای فیکەی کۆتایی ناوبژیوان، کامێراکان دیمەنێکیان گواستەوە کە تێیدا گواردیۆلا و هالاند لە ناوەڕاستی یاریگا بە شێوەیەکی گەرم و توند گفتوگۆیان دەکرد، لە دیمەنەکەدا هێرشبەرە نەرویجیەکە بێزار و نیگەران دەردەکەوت لەکاتێکدا قسەکانی لەگەڵ راهێنەرەکەی ئاڵوگۆڕ دەکرد.
گواردیۆلا چی گوت؟
لە کۆنگرەی رۆژنامەوانی دوای یارییەکە، گواردیۆلا روونکردنەوەی دا و گوتی،
“هالاند لە یاری داهاتوودا گۆڵی سەدەمینی خۆی تۆمار دەکات. ئێمە تەنیا باسی پشوودانمان دەکرد.”
PARA GUARDIOLA, EL PARTIDO NO SE ACABA NUNCA😅
Así fue la intensa charla que tuvo con Erling Haaland, que se marchó sin anotar en la victoria contra el Leeds United 👀
🔗 https://t.co/nbLrMZMTqv#PremierLeagueDAZN 🏴⚽ pic.twitter.com/sc4LpXSzfg
— DAZN España (@DAZN_ES) November 29, 2025
راهێنەرە ئیسپانییەکە زیاتر گوتی،
“هالاند خاوەنی پێکهاتەیەکی جەستەیی بەهێزە، بەڵام مەبەست لە پشوودان تەنیا پشووی قاچەکان نییە، بەڵکو دەبێت مێشکیش بحەسێتەوە.”
كه‌مبوونه‌وه‌ی گۆڵەکانی هالاند
ئەم گرژییە لە کاتێکدایە کە هالاند بۆ سێیەم یاری لەسەریەک نەیتوانیوە گۆڵ تۆمار بکات، لە 9ـی تشرینی دووەم بەرامبەر لیڤەرپوڵ گۆڵی کردووە، لەو کاتەوە بەرامبەر نیوکاسڵ، لیدز یونایتد لەخول و بایەر لیڤەرکوزن لە چامپیۆنزلیگ بێدەنگ بووە.
