یاریگا –
پێیرلویجی کۆلینا، سەرۆکی لیژنەی ناوبژیوانانی یەکێتیی تۆپی پێی جیهان، پەردەی لەسەر تاقیکردنەوەیەکی نوێی یاسایی لادا کە بڕیارە لە پاڵەوانێتیی جامی عەرەب لە قەتەر جێبەجێ بکرێت، ئامانج لێی رێگریکردنە لەو یاریزانانەی كات ده‌كوژن به بیانوی ئه‌وه‌ی دووچاری پێكانبوونه بۆ ئەوەی کاتی یارییەکە بەفیڕۆ بدەن.
وردەکاریی یاسا نوێیەکە
لە چاوپێکەوتنێکدا لەگەڵ بەرنامەی (الحکم) لە کەناڵی ئەلکەاس، کۆلینا رایگەیاند کە جیانی ئینفانتینۆ، سەرۆکی فیفا بڕیاریداوە ئەم ئەزموونە لە جامی عەرەبدا دەست پێ بکات، ناوەڕۆکی یاساکە دەڵێت،
هەر یاریزانێک وانیشان بدات كه پێکانی هه‌یه و داوای هاتنەژوورەوەی تیمی پزیشکی بکات، دەبێت دوای چارەسەرکردن بۆ ماوەی 2 خوله‌ك لە دەرەوەی یاریگا بوەستێت و تیپەکەی بە 10 یاریزان یاری دەکات.
برنامج الحكم |
بييرلويجي كولينا رئيس لجنة الحكام في الفيفا يكشف عن قرار جديد سيطبق في بطولة كأس العرب يقضي بابعاد اللاعب المصاب لمدة دقيقتين بحيث يلعب فريقه بـ 10 لاعبين خلال هذه الفترة الزمنية#كأس_العرب2025
#قنوات_الكاس || #منصة_شوف pic.twitter.com/bINyOXia46— قنوات الكاس (@AlkassTVSports) November 28, 2025
کۆلینا بۆ کەناڵەکە روونیکردەوە،
“دەمانەوێت لە داهاتوودا تەنیا ئەو یاریزانانە چارەسەر وەربگرن کە بەڕاستی تووشی پێکان بوون، نەک ئەوانەی نواندن دەکەن. ناکرێت پزیشک بێتە یاریگا و یاری بۆ ماوەیەک بوەستێت و دواتر یاریزانەکە یەکسەر هەستێتەوە، سزاکە ئەوەیە دەبێت دوو خولەک لە دەرەوە بێت.”
تەنیا دوو حاڵەت بەدەرن
بەپێی قسەکانی کۆلینا، ئەم یاسایە دوو حاڵەتی تایبەت دەگرێتەوە کە تێیدا یاریزانەکە ناچێتە دەرەوە بۆ دوو خولەک:
1. ئەگەر یاریزانە رکابەرەکە ئه‌وه‌ی له یاریزانه‌كه ده‌دات کارتی زەرد یان سووری وەرگرتبێت، ئەمەش واتە پێکانەکە بەهۆی توندوتیژیی راستەقینەوە بووە نەک نواندن.
2. ئەگەر ئه‌و یاریزانەی دووچاری پێكان ده‌بێت گۆڵپارێز بێت، کۆلینا دەڵێت،
“مەنتقی نییە تیپێک بەبێ گۆڵپارێز یاری بکات.”
ئەزموونی پێشوو
له كۆتاییدا سەرۆکی لیژنەی ناوبژیوانان ئاماژەی به‌وه‌كرد، پێشتر تاقیکردنەوەی یاسای “هەژمارکردنی کۆرنەر لە دژی هەر گۆڵپارێزێک کە تۆپ هه‌شت چرکە زیاتر لای خۆی دەهێڵێتەوە” سەرکەوتوو بووە و وایکردووە ریتمی یارییەکان خێراتر بێت، بۆیە پێشبینی دەکەن ئەم یاسایەی “2 خولەک”ـیش سەرکەوتوو بێت لە نەهێشتنی دیاردەی کات کوشتن.
