یاریگا –
لەکاتێکدا ریال بێتیس بە راهێنەرایەتی مانوێل پێلگرینی دەیەوێ لە هەردوو بەرەی نێوخۆیی و یۆرۆپالیگ رکابەریی بکات، بەڵام پێکدادانێکی نێوخۆیی تووشی نەهامتیەکی گەورەی دەکات پێش دێربی ئەندەلووس.
لە کۆتا یاریی یانەکەدا لە یۆرۆپالیگ کە 2-1 لە یانەی ئوترێختیان بردەوە، هەر لە 10 خولەکی سەرەتادا ئیسکۆ و سوفیان ئامرابات بە توندی بەریەکدەکەون و هەردووکیان گۆڕانکاریی ناچارییان پێدەکرێت.
بێتیس لە یۆرۆپالیگ پلەی پێنجەمی گرتووە و دەیەوێ هاوشێوەی وەرزی رابردوو کێبڕکێکارێکی سەخت بێت بۆ نازناوەکە. لە خولی ئیسپانیش بەهەمان شێوە پلەی پێنجەمە و چاوی لە کورسی چامپیۆنزلیگی وەرزی داهاتووە.
پێکدادانی ئیسکۆ کە تازە لە پێکان گەڕابووە بە ئامرابات، لەکاتێکی هەستیاردایە بۆ پێلگرینی، بەوپێیەی سبەی لە هەفتەی 14ی خولی ئیسپانیی رووبەڕووی سێڤییای هاوشاریی دەبێتەوە کە یاریی نێوانیان بە دێربی ئەندەلووس ناسراوە. بەوەش چارەنووسی ئەستێرەکەی پێشووی ریال مەدریدی جارێکیتر خستەوە سەر کورسی بەرامبەر سێڤیا.
لەوەش ناخۆشتر، ئەگەری زۆرە بۆ یاریی دواتریش کە میوانداریی بارسێلۆنا دەکەن، ئیسکۆ نەگەڕێتەوە بۆ پێکهاتەکەی پێلگرینی.
Amrabat wipes out his own teammate Isco who’s just come back from injury and somehow both end up off the pitch injured 😭
pic.twitter.com/PlTeAUOfk9— Footy Humour (@FootyHumour) November 28, 2025
