یاریگا –
کارمەندێکی یانەی چێڵسی، دانی بە تۆمەتی گەندەڵی ناوەایە و ئاشکرای کرد زیاتر لە 200 هەزار پاوندی دزیوە.
کلێر والش یاریدەدەری گەنجینەی یانەی چێڵسی، لە دادگا دانی بەوەدانا کە لە ماوەی چوار ساڵدا بڕی 208 هەزار و 521 پاوندی لە هەژمارەی یانەکە بۆ هەژمارەکانی خۆی ناردووە.
بەگوێڕەی ئەو تۆمەتەی کە لە دادگای وێستمینستەر تۆمارکراوە، ئەو کردەوە نایاساییانە لە نێوان 8ی حوزەیرانی 2019 و 23ی تشرینی یەکەمی 2023دا روویانداوە، ماوەیەک کە تۆمەتبار چەندین جار دەستی بە پارەی یانەکە گەیشتوە و ئەو دەستپێڕاگەیشتنەی لە بەرژەوەندی خۆی بەکار هێناوە.
🚨 A Chelsea employee has pleaded guilty to a fraud against the club totalling £208,521.65https://t.co/Xu3fX99Q75 pic.twitter.com/1kDsyixS7n
— Mirror Football (@MirrorFootball) November 28, 2025
والش دوای ئەوەی دانی بە تاوانەکەیدانا چاوەڕێی وەرگرتنی سزاکەی بوو، بەڵام دادوەر دۆسیەکەی بۆ دادگای باڵا نارد و گوتی:
ئێوە دانتان بەوەدا ناوە کە تاوانێکتان کردووە و ئەم دۆسیەیە لەدەرەوەی دەسەڵاتی سزادانی ئێمەیە، بۆیە پێویستە رەوانەی دادگای باڵا بکرێت بۆ سزادان، کە دەسەڵاتی تەواوەتی سزادانی تێدا هەبێت.
کلێر والش، چاوەڕێی دانیشتنی دادگای باڵا دەکات کە بڕیارە بڕیاری کۆتایی لەسەر گەورەترین دۆسیەی گەندەڵی بدات کە کارمەندێکی یانەیەکی تۆپی پێ لە ساڵانی رابردوودا کردوویەتی.
