ئامانجی گەورەی گەورەکانی ئەوروپا بە 50 ملیۆن یۆرۆ بەردەستە
بارسێلۆنا و ریال مەدرید و گەورەکانی پرێمەرلیگ چاودێری دەکەن
یاریگا –
یانە گەورەکانی ئەوروپا لە ئێستاوە بۆ گواستنەوەی ئەستێرەیەکی دیاری بۆندسلیگا کەوتوونەتە خۆیان.
سێرهۆ گیراسی، ئەستێرەی بۆڕووسیا دۆرتموند بووەتە بابەتی سەرەکی مێرکاتۆی یاریزانان لە ئەوروپا و ناوی بە چەند یانەی گەورە بەستراوەتەوە.
فلۆریان پلیتێنبێرگ، رۆژنامەنووسی سکای سپۆرتس روونیکردووەتەوە، مەرجی هەڵوەشاندنەوەی گرێبەستی گیراسی تەنیا 50 ملیۆن یۆرۆیە.
بەهاکەی بەراورد بە توانای گۆڵکردن زۆر نییە و یانە گەورەکان دەتوانن لە مێرکاتۆی زستانە، شانسی خۆیان بۆ گواستنەوەی تاقیبکەنەوە.
رۆژنامەنووسەکە روونیکردووەتەوە، یانەکانی ریال مەدرید، بارسێلۆنا، مانچێستەر سیتی، لیڤەرپوول، چێڵسی، ئارسیناڵ و مانچێستەر یونایتد دەتوانن پارەی داواکراو بۆ گواستنەوەی گیراسی خەرج بکەن.
🚨👀 Serhou #Guirassy is one to watch for the summer, as he could leave Borussia Dortmund.
29 y/o top striker is understood to have a release clause that should be at “only” around €50 million. It applies to seven top clubs: Real Madrid, Barcelona, Manchester City, Liverpool,… pic.twitter.com/HwfxbZzWje
— Florian Plettenberg (@Plettigoal) November 29, 2025
یاریزانی تەمەن 29 سالان لە شتوتگارتەوە پەیوەندی بە دۆرتموند کرد، سەرەڕای تووشبوونی بە پێکان لە ساتی جیاوازدا، بەڵام خۆی وەکو یەکێک لە باشترینەکانی بۆندسلیگا پیشانداوە.
ئەستێرە گینیاییەکە لەم وەرزەدا بەشداری 17 یاریی سەرجەم پاڵەوانیەتییەکان کردووە، 9 گۆڵ و چوار ئەسیستی هەیە.
