
یاریگا –
داهاتی خولی ئیسپانیا بەشێوەیەکی بەرچاو بەرزبووەتەوە و رێکخەرانی خولەکە چاوییان لە زیادکردنی زیاترە.
داهاتی بیستراو و بینراوی لالیگا زیاتر لە 6.135 ملیار یۆرۆیە و بەراورد بە پێنج ساڵی رابردوودا، داهاتەکە لە 9% زیادیکردووە.
پلاتفۆڕمەکانی Telefonica و Dazn مافی گواستنەوەی یارییەکانی لالیگایان بۆ پێنج وەرزی داهاتوو بەدەستهێناوە. بڕیارە هەریەکە لەو دوو پلاتفۆڕمانە پێنج یاریی هەر گەڕێک بگوازنەوە و دەبنە دوو هاوبەشی سەرەکی لالیگا.
لالیگا تەواوی مافەکانی پەخشی گواستنەوەی یارییەکانی بۆ وەرزەکانی 2027-2028 تاوەکو 2031-2032 بەبڕی 5.25 ملیار یۆرۆ فرۆشتووە.
پێشتر لالیگا مافی پەخشی گواستنەوەی یارییەکانی لە ساڵی 2022 تاوەکو 2027 بە بڕی 4.95 ملیار یۆرۆ فرۆشتبوو.
بەگوێرەی لێکدانەوەی رۆژنامەکە، بەهای گشتی مافەکانی بیستراو و بینراوی لالیگا دەگاتە 6.135 ملیار یۆرۆ.



