مانچێستەر سیتی لەسەر گواستنەوەی ئەستێرەیەک رکابەری گەورەکانی پرێمەرلیگ دەکات

یاریگا –

مانچێستەر سیتی ئامادەکاری تەواوی بۆ بەدەستهێنانی خزمەتەکانی ئەستێرەیەکی پرێمەرلیگ کردووە.

رۆژنامەی دەیلی مەیڵ بڵاویکردووەتەوە، مان سیتی رکابەری گەورەکانی پرێمەرلیگ لەسەر بەدەستهێنانی واژۆی ئیلیەت ئاندێرسن، یاریسازی نۆتینگهام فۆڕێست دەکات.

پێپ گواردیۆلا، راهێنەری مانچێستەر سیتی و هوگۆ ڤیانا، بەڕێوەبەری وەرزشی یانەکە بە تواناکانی ئاندێرسنی 23 ساڵان سەرسامن، تەنانەت لە چەند یارییەکی رابردوودا، مان سیتی تیمی تایبەتی بۆ چاودێریکردنی یاریزانەکە ناردووەتە یارییەکانی نۆتینگهام.

رۆژنامەکە نووسیویەتی، نۆتینگهام ئامادەنییە لە مێرکاتۆی زستانە دەستبەرداری ئاندێرسن بێت و هەموو ئۆفەرێک رەتدەکاتەوە.

🚨 Exclusive: Man City ready to make Elliot Anderson one of top targets in 2026

💰 Forest asking price likely £80-100m, ruling out return to Newcastle. Others interested inc. Man Utd

⬇️ Full story https://t.co/p9OlBhP2nP

— Craig Hope (@CraigHope_DM) November 28, 2025

نۆتینگهام چاوی لە بەدەستهێنانی 100 ملیۆن پاوەندە لە دەستبەرداربوون لە تواناکانی ئەستێرەکەی، ئەمەش بەسوود وەرگرتن لە رکابەری تووندی نێوان یانەکانی پرێمەرلیگ لەسەر واژۆی یاریزانەکە.

ئاندێرسن، لە سێپتێمبەر/ئەیلوولی رابردوودا بانگهێشتی هەڵبژاردەی ئینگلتەرا کرا و پێشبینیدەکرێت، لە پێکهاتەی سەرەکی تۆماس توخێل، راهێنەری سێ شێرەکان بمێنێتەوە.