لە لەندەن هێرشکرایە سەر پاسی شاندی بارسێلۆنا
پۆلیسی بەریتانیا لێکۆڵینەوەی دەستپێکردووە
یاریگا –
لەڕێگەی چوون بۆ یاریگای ستامفۆرد بریج، هێرشکرایە سەر پاسی شاندی یانەی بارسێلۆنا.
رۆژنامەی دەیلی ستار بڵاویکردووەتەوە، چەند کاتژمێرێک بەر لە دەستپێکردنی یاریی شەوی رابردووی نێوان چێڵسی و بارسێلۆنا، شاندی یانە کاتالوونییەکە بە پاس بەرەو یاریگای ستامفۆرد بریج چوون و لەڕێگەدا هێرشیکرایە سەر و جامێکی پاسەکە شکا.
رۆژنامەکە ئاشکرایدەکات، چەند کەسێکی نەناسراو، بۆسەیەکی گەورەیان لەسەر رێگەی پاسی بارسێلۆنا دانا و لە ئەنجامدا هێرشیانکردە سەر و جامێکیان شکاند.
BREAKING: Barcelona team bus attacked before Chelsea tie as shaken stars rushed to airport 🚨 https://t.co/ccogTsAJ3n
— Daily Star Sport (@DailyStar_Sport) November 26, 2025
لەگەڵ گەیشتنی پاسەکە بۆ یاریگای ستامفۆرد بریج، بەرپرسانی پەیوەندیدار، جامەکەیان بە خێرایی چاککردەوە و دواتر بەڕێگەیەکی دیکەدا چوون بەرەو فڕۆکەخانەی گاتویک لە لەندەن و گەڕانەوە بارسێلۆنا.
