بە ژمارە؛ مەرمووش چی لە یارییەکەی بایەر لیڤەرکوزن پێشکەشکرد؟

یاریگا –

عومەر مەرمووش، ئەستێرەی مانچێستەر سیتی ئاستێکی خراپی لە یاریی شەوی رابردووی یانەکەی بەرامبەر بایەر لیڤەرکوزن لە چامپیۆنزلیگ پێشکەشکرد.

مەرمووش لە پێکهاتەی سەرەکیدا و لە شوێنی ئێرلینگ هالاند یارییکرد، ئەستێرە میسڕییەکە نەیتوانی لە گێمی یەکەمدا هیچ مەترسییەک بۆ سەر گۆڵی لیڤەرکوزن دروستبکات.

سەرەڕای ئاستە خراپەکەی، گواردیۆلا تاوەکو خوولەکی 65 لە نێو یارییەکەی هێشتەوە و دواتر هالاندی خستە شوێنی.

مەرمووش بە درێژایی یارییەکە، نەیتوانی هیچ مەترسییەک بۆ سەر گۆڵی لیڤەرکوزن دروستبکات، ئەستێرەکە تەنیا 9 پاسی دروستیدا و 18 جار پێی بەر تۆپ کەوت.

ئامارەکانی مەرمووش

کۆی بەرکەوتنی تۆپ: 18 جار

پاسی دروست: 9

شووتی نێو گۆڵ: 0

شووتی دەرەوەی گۆڵ: 0

بڕینی سەرکەوتوو: 1

فاوڵ: 1

فاوڵی وەرگرتووە: 0

تۆپی درێژ: 0

پاسی یەکلاییکەرەوە: 0