شەوی رابردوو لە رووداوێکی سەیروسەمەرەدا، ئیدریسا گانا گی یاریزانی ئێڤەرتۆن لەلایەن ناوبژیوانەوە بە کارتی سوور دەرکرا پاش ئەوەی هێرشیکردە سەر مایکڵ کینی هاوتیمی.
ئیدریسا یەکێکە لە یاریزانە بە ئەزموونەکانی ئێڤەرتۆن و لە دیمەنێکدا کۆنترۆڵی خۆی لەدەستدا بەرامبەر کین، سەرەنجام ناوبژیوان هەر لە خولەکەکانی سەرەتای یارییەکەدا بە کارتی سوور کردییە دەرەوە.
ئەمڕۆ ئەو یاریزانە پەیامێکی لە ئینستاگرام بڵاوکردەوە و تێیدا دەڵێت
دەمەوێت پێش هەمووان داوای لێبوردن لە هاوتیمەکەم مایکڵ کین بکەم. من بەرپرسیاریەیەتی تەواوی ئەو کاردانەوەیەم هەڵدەگرم و داوای لێبوردن لە هاوتیمەکانی دیکەم، ستاف، هاندەران و یانەکە دەکەم. ئەوەی روویدا رەنگدانەوەی کەسایەتی من و رەفتار و بەهاکانم نیە. هەست و سۆزم جوڵا بەڵام ئەمە بیانوو نیە بۆ ئەو رەفتارە. رێگە نادەم جارێکی دیکە رووبداتەوە
ئیدریسا تەمەنە گەیشتووەتە 36 ساڵ و یەکێکە لە یاریزانە بە ئەزموونەکانی یانەکە. پێشتر یاری بۆ لیل، ئەستۆن ڤیلا و پاریس سان جێرمان ئەنجامداوە. هاوکات یەکێکە لە یاریزانە مێژووییەکانی هەڵبژاردەی سەنیگال بە ئەنجامی 122 یاری بۆ وڵاتەکەی.
دوابەدوای کارتە سوورەکەی، ئێڤەرتۆن توانی گۆڵێک تۆماربکات و سەرەڕای یاریکردن بە یاریزانێک کەمتر بۆ ماوەی زیاد لە 80 خولەک، توانییان پارێزگاری لە ئەنجامەکە بکەن و یارییە لە مانچێستەر یونایدت ببەنەوە.
