🎥 | چیرۆکی ناوازەی رۆناڵدۆ و گۆڵی مقەستی بەردەوامە

یاریگا –

کریستیانۆ رۆناڵدۆ، ئەستێرەی پۆرتوگالی گۆڵێکی ناوازەی بە لێدانی مقەستی لە یاریی شەوی رابردووی نەسڕ بەرامبەر خەلیج لە خولی رۆشن کرد.

رۆنالدۆ بەم گۆڵە، جارێکی دیکە گۆڵە ناوازەکەی ساڵی 2018ی بەرامبەر یوڤێنتوس بەبیر هاندەران هێناوە، هەرچەندە گۆڵە ناوازەکەی محەمەد سەڵاح لە دێربی مێرسیساید بەرامبەر ئێڤەرتن، نەیهێشت رۆناڵدۆ خەڵاتی پوشکاش بباتەوە.

أسطورة لا تتوقف.. كريستيانو دائمًا في المشهد! 🏆⚡#دوري_روشن_السعودي pic.twitter.com/ebFnjL7fq8

— رياضة ثمانية (@thmanyahsports) November 23, 2025

بەر لە گۆڵە ناوازەکەی یوڤێنتوس، رۆناڵدۆ گۆڵێکی هەمان شێوەی بۆ هەڵبژاردەی پۆرتوگال بەرامبەر دوورگەکانی فارۆ لە ئۆگەست/ئابی ساڵی 2017 لە پاڵاوتنی مۆندیالی 2018 کرد.

لە ئەپریل/نیسانی ساڵی 2018، رۆناڵدۆ هەمووانی بە گۆڵێکی ناوازە لە جیانلویجی بوفۆن شۆک کرد، کاتێک لە چامپیۆنزلیگ و لە یاریگای ئالیانز، بە لێدانێکی مقەستی یەکێک لە جوانترین گۆڵەکانی مێژوویی تۆپی پێ کرد.

THREAD: Cristiano Ronaldo Champions League moments 🔥

👏 The night Juventus Stadium rose to applaud @Cristiano‘s unbelievable bicycle kick…#UCL | @realmadriden pic.twitter.com/Tfh3dEe45d

— UEFA Champions League (@ChampionsLeague) February 5, 2021

لە 11ی نۆڤێمبەر/تشرینی دووەمی ساڵی 2024، رۆناڵدۆی تەمەن 40 ساڵ، گۆڵێکی مقەستی لە یاریی نێوان پۆرتوگال و پۆڵەندا لە نەیشنزلیگ کرد، لەو یارییەدا پۆرتوگال 5-1 براوە بوو.

🇵🇹🚲 Cristiano Ronaldo’s bicycle kick goal vs Poland! 🤩

pic.twitter.com/uLvqM1Qc6d

— CentreGoals. (@centregoals) November 16, 2024

رۆناڵدۆ هەمیشە هەوڵی تۆمارکردنی گۆڵی بە شێوازی مقەستی داوە، بەڵام چەندین جار بەخت یاوەری نەبووە.

19 ساڵ پێش ئێستا، رۆنالدۆ خەریکبوو گۆڵێکی ناوازە لە ئۆکتۆبەر/تشرینی یەکەمی ساڵی 2006 بکات. پۆرتوگال لە پاڵاوتنەکانی یۆرۆی 2008 رووبەڕووی ئازەبایجان بووەوە، رۆناڵدۆ بە مقەستی گۆڵێکی ناوازەی کرد، بەڵام ناوبژیوان بە بیانووی تێپەڕنەبوونی تۆپ لە هێڵی گۆڵ رەتکردەوە، هەرچەندە لە کامێرای دووبارەی تەلەڤزیۆنی، تۆپەکە هێڵی گۆڵی تێپەڕاندبوو.

On this day in 2006:

Cristiano Ronaldo scored this amazing bicycle kick goal against Azerbaijan, which was robbed by referee’s mistake.

pic.twitter.com/93EpJcD07O

— CristianoXtra (@CristianoXtra_) October 7, 2023

لە مایس/ئایاری ساڵی 2024، رۆناڵدۆ خەریکبوو لە یاریی نێوان نەسڕ و هیلال لە یاریی کۆتایی جامی شای سعوودیە، گۆڵێکی مقەستی بکات، بەڵام ستوون رێگربوو.

قائم مرمى #الهلال يقف أمام مقصية #كريستيانو_رونالدو لاعب #النصر.#الهلال_النصر#نهائي_الكأس | #أغلى_الكؤوس #الرياضية_السعودية pic.twitter.com/RkrJ9hsMty

— القنوات الرياضية السعودية (@riyadiyatv) May 31, 2024