یاریگا –
خاڤیێر تێباس هەڵوێستی خۆی لەسەر رێککەوتنی سندوقی وەبەرهێنان و پڕۆژەی هاندانی خولی ئیسپانیا رووندەکاتەوە.
دوای ئه‌و قسه‌ی زۆر له‌سه‌ر رێککەوتنی سندوقی وەبەرهێنان و پڕۆژەی هاندانی خولی ئیسپانیا كراو ، ئه‌مرۆش فلۆرێنتینۆ پێرێز هێرشی توندی كرده سه‌ر سه‌رۆكی كۆمه‌ڵه‌ی لالیگا، خاڤیێر تێباس پێی وایە کە پێویستە شتەکان وه‌ك خۆی باس بكرێت و هه‌مو شتێك له شوێنی خۆیانبن و ئەو زانیارییە هەڵانە روونبکاتەوە بەکاردەهێنرێن بۆ خۆراکدانی گێڕانەوەیەک کە دوورە لە واقیعی راستەقینەی تۆپی پێی ئیسپانیا.
خاڤێیر تێباس ده‌لێت،
ئەم رێککەوتنە بریتییە لەوەی کە خولی ئیسپانیا رێگە بە سندوقێکی وەبەرهێنانی گەورە دەدات بڕێکی زۆر پارە (نزیکەی دوو ملیار یۆرۆ) بداتە خولەکە. لە بەرامبەردا، سندوقەکە بۆ ماوەیەکی زۆر بەشێکی کەم لە داهاتی خولەکە وەردەگرێت. ئامانجی سەرەکی ئەم پارەیە ئەوەیە کە بۆ پەرەپێدانی ژێرخانی و بەردەوامی خولەکە بەکاربهێنرێت، نەک بۆ خەرجی کاتی و کورتخایەن.
تێباس جەخت دەکاتەوە کە:
لانی کەم 70٪ بۆ وەبەرهێنانی درێژخایەن دەبێت:
ئەم پارەیە بۆ خەرجکردن لەسەر مووچە یان گرێبەستی کورتخایەن یان چارەسەری کاتی نییە.
تێباس دەڵێت بیرۆکە سەرەکییەکە ئەوە بووە، دابینکردنی توانای پێویست بۆ هەموو یانەکان نەک تەنیا بەهێزەکان بۆ باشترکردنی یاریگاکانیان و مۆدێلی کارکردنیان.
ئەنجامە بەرجەستەکان لەسەر ئەرزی واقیع
تێباس جەخت دەکاتەوە کە ئەنجامەکان روون و بەرجەستەن له‌وانه،
تێباس ده‌ڵێت،
داهاتی یانەکان جگە لە ریاڵ مەدرید و بارسێڵۆنا ساڵ لە دوای ساڵ بەرز دەبێتەوە بەهۆی ئەم وەبەرهێنانانەوە.”
سەبارەت بە کێشەکانی تۆمارکردن و قسەکردن لەسەر بەستنەوەی بە رێککەوتنەکە
تێباس بە توندی وەڵامی پێرێز دەداتەوە،
“ئەم بانگەشانە بە هیچ شێوەیەک راست نین، کێشەکانی تۆمارکردنی یاریزانان هیچ پەیوەندییەکیان بە رێککەوتنەکە نییە، بەڵکو پەیوەندییان بە بڕیارەکانی خەرجکردنی دیاریکراو و یاساکانی چاودێری داراییەوە هەیە کە یانەکان بە کۆی دەنگ رەزامەندییان لەسەر داوە بۆ پاراستنی خۆیان لە داڕمان وه‌ك هه‌ندێك وڵاتان.”
زیاتر دەڵێت،
“ئەوەی رێککەوتنەکە بەم کێشانەوە دەبەستێتەوە یان وردەکارییەکان نازانێت، یان بە ئەنقەست هەوڵی چەواشەکردنی خەڵک دەدات.”
بەراوردکردن لەگەڵ خولی ئینگلیزی؟ تێباس وەڵام دەداتەوە
تێباس له‌باره‌ی به‌راوردكردنی لالیگا به خولی ئینگلیزی گوتی،
حکومەتی بەریتانیا ناچار بوو دامەزراوەیەکی سەربەخۆ دروست بکات بۆ چاودێریکردنی دۆخی دارایی خراپی خولی ئینگلیزی، ئەمە بە تەنیا بەڵگەیە لەسەر ئەوەی کە مۆدێلی ئینگلیزی نموونەی تەواوی نییە وەک ئەوەی هەندێک کەس بانگەشەی بۆ دەکەن.
پوختەی تێباس:
رێککەوتنەکە یانەکان بەهێز دەکات، ژێرخان پەرە پێدەدات، بەهێزیان دەکات، وای دەکات خولی ئیسپانیا کەمتر پشت بە تەنۆا دوو یانە یان سێ یانە ببەستێت و ئەمەش ئەو شتەیە کە هەندێک پڕۆژەی کەسی بێزار دەکات.
