یاریگا –
ئەمڕۆ دووای دوو هەفتە دابڕان بەهۆی یارییەكانی فیفاوە ریال مەدرید دەگەڕێتەوە و دەبێتە میوانی ئێڵچێ.
وابڕیارە ئەمڕۆ كاتژمێر 23:00 بەكاتی هەولێر ئێڵچێ لە یاریگای خۆیدا میوانداری ریال مەدرید بكات، لە میانی یارییەكانی گەڕی سیازدەی لالیگای ئیسپانیا.
پڕۆفایلی یاریی
ریال مەدرید لە كۆتا دوو یارییدا نەیتوانیوە بردنەوە بەدەستبهێنێت، بەرامبەر لیڤەرپوول بە گۆڵێكی بێ وەڵام شكستیهێنا و لەگەڵ رایۆ ڤاییكانۆش بە گۆڵێک یەكسان بوون.
ریال مەدرید لەم وەرزەی لالیگا 12 یاریی كردووە لە دە یاریی براوە بووە یارییەک یەكسان بووە و یارییەكیش دۆڕاوە.
بە كۆكردنەوەی 31 خاڵ لە ریزبەندی دووەمی لالیگای ئیسپانیا دێت.
لە بەرامبەردا ئێڵچێ لە كۆی دوازدە یاریی لە سێ یاریی براوە بووە شەش یاریی یەكسان بووە و سێ یارییش دۆڕاوە.
بە كۆكردنەوەی 15 خاڵ لە ریزبەندی دوازدەیەمی لالیگا دێت.
هەواڵی پێكانی یاریزانەكان
ئێڵچێ بە بێ خۆسێ فێرناندێز رووبەڕووی ریال مەدرید دەبێتەوە.
ریال مەدرید بە بێ ئۆرێلیەن چوامینی، ئیدێر میلیتاو، ماستانتونۆ، كارڤاخال، رودیگەر و ئالابا رووبەڕووی ئێڵچێ دەبێتەوە.
پێكهاتەی پێشبینیكراوی ئێڵچی
پێنا
چوست، بیگاس، ئافرێگروبەر
نونێز، ئەگوادۆ، فێباس، مێندۆزا، ڤالێرا
رۆدریگێز، میر
پێكهاتەی پێشبینیكراوی ریال مەدرید
كۆرتوا
ترێنت ئارنۆڵد ،ئاسێنسیۆ، هاوسن، كارێراس
ڤاڵڤێردی، كاماڤینگا، گولەر
بێڵینگهام
ئێمباپێ، ڤینیسیۆس
