یاریگا –
لیڤەرپوول بە راهێنەرایەتی ئارنە سڵۆت بەردەوامە لە ئەنجامە خراپەکانی و تیمە تۆقێنەرەکەی وەرزی رابردوو ئێستا تەواو لە ناسنامەی راستەقینەی خۆی دوورکەوتووەتەوە. ئەمشەویش جارێکیتر و لەنێو یاریگای ئانفیڵد 0-3 بە نۆتینگهام دۆڕا.
تیمەکەی سڵۆت لە کۆتا سێ یاریی خۆیاند لە خولی ئینگلیزی 9 گۆڵیان لێ تۆمارکراوە و نەیانتوانیوە تۆڕی دژبەرەکانیان کە کریستاڵ پاڵاس، مانچێستەر سیتی و نۆتینگهام بووە، بهەژێنن.
لەدوای دۆڕانەکە، راهێنەرە هۆڵەندیەکە هەموو بەرپرسیارێتیەکەی خستەئەستۆی خۆی و وتی
ئەگەر شتەکان باش بن یان خراپ هەمیشە لە بەرپرسیارێتی مندایە. هەوڵمدا چەند شتێک چارەسەر بکەم، بەڵام بێ ئاکام بوو.
رێدز لە گواستنەوەی هاوینەدا بڕە پارەیەکی خەیاڵی خەرجکرد و 7 یاریزانی ئاستبەرزی گواستەوە. لەوانە ئالێکساندە ئیزاک، جێریمی فیریمپۆنگ، فلۆریان ڤیرتز و هوگۆ ئێکیتیکی، بەڵام تا ئێستا لە ئاستی چاوەڕوانییەکانی هاوندەرانی ئەو یانەیەدا دەرنەکەوتوون. بەجۆرێک خەرجیەکانی گەیشتە 483 ملیۆن یۆرۆ و بڕی 219 ملیۆنی یاریزانی فرۆشت.
لە بارەی هەبوونی ئەو ژمارە زۆرە ئەستێرە لە ریزەکانی تیمەکەیدا، سڵۆت جارێکیتر بەرپرسیارێتیەکەی خستەئەسیۆی خۆی و وتی
یاریزانی ئاستبەرزمان هەیە. ئەوە پێویستە من بتوانم وابکەم باشترین ئاستی خۆیان پێشکەش بکەن. من ئێستا لە باشترین کاتی خۆمدا نیم. ئەوە بەرپرسیارێتی منە.
🚨 Arne Slot: “If things go well or things go bad it’s always my responsibility. I tried to adjust a few things that didn’t really work out”.
“We have quality players. It’s my job to get the best out of them. I am not at the moment. It’s my responsibility”. pic.twitter.com/kqEPmGSOkU
— Fabrizio Romano (@FabrizioRomano) November 22, 2025
