یاریگا –
دین هاوسن، بەرگریکاری ئیسپانی پێکانی نییە و بۆ یاریی داهاتووی ریال مەدرید ئامادە دەبێت.
رۆژنامەنووسی ئیسپانی خۆسێ لویس سانچێز ئاشکرایکردووە، دین هاوسن، بەریگاریکاری ریال مەدرید پێکانی نییە و بۆ یارییەکەی ریال مەدرید بەرامبەر ئێڵچێ لە 30ـی نۆڤێمبەر ئامادە دەبێت.
ئەمشەو ئیسپانیا دوا یاریی پاڵاوتنەکانی ئەوروپا بۆ گەیشتن بە مۆندیالی 2026 دەکات و یەکێتیی تۆپی پێی ئیسپانیا، درەنگانی شەوی رابردوو، لە بەیاننامەیەکدا دوورخستنەوەی هاوسنی لە لیستەکە بڵاوکردەوە.
هاوسن بەشداری لە یاریی پێشووی ئیسپانیا لە بەرامبەر جۆرجیا نەکرد و هۆکارەکەی بۆ بوونی کێشە لە ماسوولکەکانی رانی گەڕاندەوە.
✅🇪🇸 "HUIJSEN NO tiene LESIÓN y podrá JUGAR en ELCHE".
ℹ️Información de @JLSanchez78 sobre el central tras ser desconvocado con España. pic.twitter.com/StjqeQ4JnF
— El Chiringuito TV (@elchiringuitotv) November 17, 2025
یەکێتیی تۆپی پێی ئیسپانیا، بە راپۆرتێک ریال مەدریدی لە دۆخی هاوسن ئاگادار کردووەتەوە و بەمەبەستی خۆپارێزی لە قووڵبوونەوەی پێکانەکە، لە لیستی یاریزانان دوورخرایەوە.
پێشتر لویس دێلا فوێنتێ، راهێنەری ئیسپانیا دووپاتیکردبووەوە، ریسک بە بەشداریکردنی هیچ یاریزانێک ناکات، ئەمەش دوای رووداوە زەقەکانی لەگەڵ لامین یامال و نیکۆ ویڵیامز.
هاوسن لە دوا یاریی ریال مەدرید بەرامبەر رایۆ ڤاییکانۆ، هەستی بە ئازار دەکرد، بەڵام سەرەڕای ئەمەش بانگهێشتی لیستی لاڕۆخا کرا.
ئیسپانیا پێشەنگی کۆمەڵەکەیەتی و سێ خاڵ لە تورکیا دوورە، تەنانەت ئەگەر ئەمشەو 6-0 بدۆڕێت، تورکیا بەڕاستەوخۆ ناگاتە مۆندیالی 2026.
