مۆدریچ هەڕەشە لە ژمارەیەکی مێژوویی ماڕادۆنا دەکات
رکابەری مێسی و رۆناڵدۆش بەردەوامە
یاریگا –
هەڵبژاردەی کڕواتیا بەفەرمی گەیشتە مۆندیالی 2026 و بەمەش لوکا مۆدریچ بۆ پێنجەم جار بەشداری پاڵەوانیەتییەکە دەکات.
کڕواتیا حەفت جار گەیشتووەتە مۆندیال و مۆدریچ بەشداری لە پێنج وەشاندا کردووە. لوکا 19 یاریی لەگەڵ کڕواتییەکان لە مۆندیالەکانی 2006، 2014، 2018، 2022دا کردووە.
مۆدریچ لەگەڵ کڕواتیا پلەی دووەمی مۆندیالی 2018ی رووسیایان بەدەستهێنا و پلەی سێیەمی مۆندیالی 2022یشیان بردەوە.
ئەستێرە کڕواتییەکە تەمەنی 40 ساڵە و پێویستی بە تەنیا سێ یارییە، تاوەکو ببێتە خاوەنی پلەی شەشەمی زۆرترین بەشداری لە مۆندیالدا.
دیێگۆ ئارماندۆ مارادۆنا لەگەڵ ئۆڤێ زیلەر و ڤلادیسلاڤ زمۆدا، پلەی شەشەمی ریزبەندی زۆرترین بەشدارییان بە 21 یاریی گرتووە.
🚨 𝗖𝗥𝗔𝗭𝗬 𝗙𝗔𝗖𝗧: Croatia had only 2 World Cup appearances before Luka Modrić — and since Modric’s debut, they’ve reached 5. pic.twitter.com/Ddrp6QUnzO
— The Touchline | 𝐓 (@TouchlineX) November 14, 2025
لیۆنێل مێسی خاوەن زۆرترینە
کریستیانۆ رۆناڵدۆ بە 22 یاریی لە پلەی پێنجەمدا دێت و پێشبینی دەکرێت لە مۆندیالی داهاتوودا، ژمارەی یارییەکانی زیادبکات.
لیۆ مێسی بە 26 یاریی، خاوەن زۆرترین بەشدارییە لە مێژووی مۆندیالدا و تەنیا یەک یاریی لە لۆتەر ماتیوس، ئەفسانەی ئەڵمانیا زیاتر یاریی کردووە.
میرۆسلاڤ کلۆزە لە پلەی سێیەم و پاولۆ ماڵدینی بە 24 یاریی لە پلەی چوارەمدایە.
